گل باشیم اوسته قارداش یوخ زینبین توانی
چیخیر بو خسته تندن غربت وطن ده جانی
گل قارداشیم دمشقه قیل منه زاره چاره
کسیلمیش ال لریله زینبی قوی مزاره
قارداش یادیمدا واردی باشیمیزا نه گلدی
تیر جفا و محنت قلب صفانی دئلدی
کرب و بلا دیاری صحرای وحشت اولدی
طبل ظفر چالیندی موقع غارت اولدی
قیرخ مین سواره بیردن تل دن آشدی قارداش
گلدیله خیمه گاهه زینب اولیدی ای کاش
بیر صحنه گوردی زینب دوندی دیلی کبابه
لشکر بی مروت رحم ائتمدی ربابه
کوفه و شامین اهلی ظلم ده کامه چاتدی
اصغری توپراغ آتدان نیزه الیله تاپدی
او دومده غم خدنگین کنج دیله تاخیردی
چیخاندا نعش اصغر رباب ده باخیردی
یادیمدا کربلا ده سرو صفا بیچیلدی
بیر اوجا بوی علمدار یاره لنیب کیچیلدی
یادیمدا کربلا ده باد جفا اسنده
قتلگهه یتیشدیم شمر باشین کسنده
خنجرینه ال آتدیم آلیب چکم کناره
شمر شقاوتین دن ال لریم اولدی یاره
- پنج شنبه
- 23
- شهریور
- 1402
- ساعت
- 0:23
- نوشته شده توسط
- یوسف اکبری
ارسال دیدگاه