☑️ بند اول
سلام ای شه عطشان قبریوه باجین قربان
بو شش گوشه مزاره زینبین گلیب مهمان
فراق کرب و بلا اورگیمی درده سالیب
بلالی زینبیوین صبرینی دیل دن آلیب
بو مدتی یارالی باجین بلایه قالیب
اولوبدی قامتی خم زینب ائله قوجالیب
? یارالی جان یارالی / یارالی جان یارالی ?
☑️ بند دوم
اویان باشی بلالی غملی دی باجین حالی
گلیب قبریوین اوسته اربعینه یارالی
نلر گلیب باشیما گئدیب جلالیم حسین
بو داغلی سینه ده وار غم و ملالیم حسین
گئدنده شامه سنه دویونجان آغلامادیم
بو نیسگیل اولدی منه یاراوی باغلامادیم
? یارالی جان یارالی / یارالی جان یارالی ?
☑️ بند سوم
شرار محنتیله اوت توتوب یانیر قلبیم
چیخیر عرشه فغانیم واردی دیلده چوخ دردیم
وئرنده غم منه یوز یانیب دیل آغلامیشام
دویونجان آغلاماقی بو قبره ساخلامیشام
خزان ویران گول تک باجین ائله سارالیب
بو قبره قربان اولوم نیه بئله توز آلیب
? یارالی جان یارالی / یارالی جان یارالی ?
☑️ بند چهارم
خرابه گوشه سینده بیر گولون سولوب قالدی
رقیه ن بو دیلمدن صبر و طاقتی آلدی
او خیرداجا بالاوا نه غم وار اولدی عیان
سه ساله فاطمیه خرابه اولدی مکان
دئمه بو دیلده وفا گولون بیتیرممیشم
خجالتم بالاوی حسین گتیرممیشم
? یارالی جان یارالی / یارالی جان یارالی ?
- جمعه
- 24
- شهریور
- 1402
- ساعت
- 22:11
- نوشته شده توسط
- یوسف اکبری
ارسال دیدگاه