☑️ بند اول
گل باغ ولا گلیب
هامی درده دوا گلیب
وئریب الله ربابه پای
نوه ی مرتضی گلیب
اولدی جهان غرق شور و شین
بزندی نوریله عالمین
منادی سسلندی عرشیده
گلیبدی دردانه ی حسین
منبع جود و سخا گلدی
درد عشاقه دوا گلدی
دلبند حضرت عباس و
دخت شاه کربلا گلدی
? یا رقیه گل حسین
☑️ بند دوم
مه تابان رقیه دی
دیله جانان رقیه دی
حرمی عرشیدن گوزل
گل ریحان رقیه دی
اهل ولانین نواسی دی
شیعه لرین دلرباسی دی
نور هدا بانوی دمشق
آقام حسینین بالاسی دی
شاهلاردی درگهینه بنده
زیبادی طلعتی تابنده
مین لر حاتم بو گُلِ نازین
فضلیندن اولوبدی شرمنده
? یا رقیه گل حسین
☑️ بند سوم
کرم ائيله رقیه جان
حرمین ای رشک جنان
گوزوموز وار دمشقیده
بو قدر هجره یوخ توان
اولما رضا گول کیمی سولاخ
آتش هجرانیده یاناخ
اِذن وئر ای یار مه لقا
مدافعین حرم اولاخ
سحن و مرقدین دل آرادی
شهزاده آدین نه زیبادی
سن یاس باغ ولایت سن
گوزلرین شبیه زهرادی
? یا رقیه گل حسین
- جمعه
- 24
- شهریور
- 1402
- ساعت
- 23:51
- نوشته شده توسط
- یوسف اکبری
ارسال دیدگاه