☑️ بند اول
باغلانیب سو یولی کربوبلاده
محشر اولدی به پا دشت بلاده
العطش ناله سی عرشه دایاندی
قحطی آب اولوب خیمه سراده
وای
کربلاده یاغیب اوت هوادن یره
بالالار آز قالیب ایستی دن جان وئره
دیللره ازبر عطش عطش
بالالار سسلر عطش عطش
ورد اولوب یکسر عطش عطش
? آه و واویلا عطش عطش
☑️ بند دوم
بیر به بیر مشک لر تا اولدی خالی
خیردا قیزلارین آرتیبدی ملالی
نی کیمی نالیه گلدی حرم لر
سو دیینلر سولوب غنچه مثالی
وای
بیر طرف ده گلیب موجه علقم داشیر
بیر طرفده ولی اهل بیت آغلاشیر
یاندیریر حسرت دیلی یاخیر
اوزی قاره سو چوله آخیر
سو دییر قیزلار سوا باخیر
? آه و واویلا عطش عطش
☑️ بند سوم
گزدیلر سو سراغیندا خیامی
مشک لر گوردولر بوشدی تمامی
آخرین خیمیه وارد اولاندا
سنگ آهیله سیندی صبر جامی
وای
گوردولر اصغرین قوریان لبلرین
باغلییب دی رباب بالاجا اللرین
دییری باشدان سو فکرین آت
خون قلبی آز سرشکه قات
گل دییم لای لای سینم ده یات
? آه و واویلا عطش عطش
☑️ بند چهارم
محشر اولدی ربابین خیمه سینده
اصغرین جمع اولوبلار دوره سینده
هر کس آغوشه آلدیخجا دییردی
قوریوب سوت ربابین سینه سینده
وای
محنت اولدی علن آغلاشیردی گلن
اصغرین دردینی کیمسه یوخدی بولن
سو قرار دل آلیب خدا
آنانی درده سالیب خدا
ایش ابوالفضله قالیب خدا
? آه و واویلا عطش عطش
- شنبه
- 25
- شهریور
- 1402
- ساعت
- 0:9
- نوشته شده توسط
- یوسف اکبری
ارسال دیدگاه