? ای شه ملک خراسان ائوین آباد اولسون
او گوزل قبریوه قوربان ائوین آباد اولسون?
☑️ بند اول
هانچی شاهین بو قدر عاشق جانانه سی وار
هشمت و منزلت و شوکت شاهانه سی وار
کیمین عالمده بو اندازه ده دیوانه سی وار
قویموسان عالمی حیران ائوین آباد اولسون
? ای شه ملک خراسان ائوین آباد اولسون
او گوزل قبریوه قوربان ائوین آباد اولسون?
☑️ بند دوم
دئمیرم نوکریوم مرحمتین لایقییم
دام عشقینده اسیرم ، حرمین شایقیم
جنتی ایستمیرم ، مشهدیوین عاشقیم
بورادی روضه ی رضوان ائوین آباد اولسون
? ای شه ملک خراسان ائوین آباد اولسون
او گوزل قبریوه قوربان ائوین آباد اولسون?
☑️ بند سوم
مست پیمانه ی عشقم می نایابیمسان
آرتیران عشقی وجودومدا ، تب و تابیم سان
دولانیب صحن لری سسلرم اربابیم سان
دییرم ذوقیله هرآن ائوین آباد اولسون
? ای شه ملک خراسان ائوین آباد اولسون
او گوزل قبریوه قوربان ائوین آباد اولسون?
☑️ بند چهارم
کیم اولا غم لر اسیری یولونی طوسه سالار
نچه گون زائر اولار قبریوه مشهد ده قالار
چاره سیزلر گلیب اوز حاجتینی سنن آلار
ائده سن مشکلی آسان ائوین آباد اولسون
? ای شه ملک خراسان ائوین آباد اولسون
او گوزل قبریوه قوربان ائوین آباد اولسون?
☑️ بند پنجم
حرمین نن آقاجان عطر گل یاس گلر
قیزیل ایوانی گورنده دیله احساس گلر
هر شب جمعه دییللر بورا عباس گلر
هاردا واردور بئله مهمان ائوین آباد اولسون
? ای شه ملک خراسان ائوین آباد اولسون
او گوزل قبریوه قوربان ائوین آباد اولسون?
☑️ بند ششم
نه واریم قدرت شاهانه نه وار سیم و زریم
باخماسان آند اولا زهرایه سینار بال و پریم
آخسا بیر قطره غمینده یوزومه اشک تریم
ائدرم شکر فراوان ائوین آباد اولسون
? ای شه ملک خراسان ائوین آباد اولسون
او گوزل قبریوه قوربان ائوین آباد اولسون?
☑️ بند هفتم
بلکه قسمت دی کی من آتش هجرینده یانام
آدیوین سایه سینه عمر بویی دالدالانام
دوت الیمنن دولانیم باشیوه ناخوشدی آنام
قیل اوزون دردینه درمان ائوین آباد اولسون
? ای شه ملک خراسان ائوین آباد اولسون
او گوزل قبریوه قوربان ائوین آباد اولسون?
- شنبه
- 25
- شهریور
- 1402
- ساعت
- 0:21
- نوشته شده توسط
- یوسف اکبری
ارسال دیدگاه