☑️بند اول
نولار گینه اربعین اولا
جام دل می عشقیله دولا
قول قولا وراخ الده بیر علم
پا پیاده باهم توشاخ یولا
بوروناخ یولون گرد و خاکینه
نوحه باشلیاخ آغلیاخ گینه
یوز قویاخ قدم گاه زینبه
بوسه یاغدیراخ خاک پاکینه
کربلا یولوندا هر گون
دیل گلنده شور و شینه
نی کیمی گلاخ نوایه
آغلییاخ آقام حسینه
?یارالی حسین
☑️بند دوم
باشدان هر خیال و غمی آتاخ
بحر عشقیده مقصده چاتاخ
یورولان زمان بین راهیده
موکبینده بیر دینجلیب یاتاخ
صبح اولاندا غم عهدی باغلیاخ
کربلایه جان سینه داغلیاخ
یاد ائداخ حسینین بالالارین
هر قدم گوتوردوخجان آغلیاخ
چاغیراخ اوجا سسیله
قاپیوین گلیب گداسی
آتا آنام اولسون آقا
بالالاریوین فداسی
?یارالی حسین
☑️بند سوم
دل شرار محنتده یاندیراخ
اوخشاما دییاخ سینیه ویراخ
پیکری عبائیله حمل اولان
اکبره یول اوسته عزا قوراخ
یولدا هر ستونی گورن زمان
اشکیمیز اولا عارضه روان
اوردا یاد ائداخ قاسیمین طویون
سس چکیب دییاخ ای حناسی قان
نو عروس بی نوانین
چکدیغی بلایه خاطر
دعوت ائیله اربعینه
قان اولان حنایه خاطر
?یارالی حسین
☑️بند چهارم
وقت او وقتیدور دیده قان اَلیر
تیر غم دل زینبی دلیر
وار باشیندا شوق زیارتی
اربعینه چوخ ناگران گلیر
درد و غصه دن باغری قان اولوب
دیلده محنتی بی امان اولوب
آغاریب ساچی بوکولوب بئلی
قوجالیب دی قدی کمان اولوب
یئتیشنده کربلایه
بئله گلدی آه و وایه
دئدی بی کفن حسینیم
زینبین گلیب عزایه
?یارالی حسین
☑️بند پنجم
ای اولان غمی زینبه گران
تاج عزتیم عشق بیکران
یاره لی قویوب گئتمیشم سنی
ده گوروم حسین یاخجیدور یاران
آیریلان زمان آغلینمدیم
نار غمله دیل داغلینمدیم
نعشیوی باسیب باغریما حسین
گوزلریوی من باغلینمدیم
ایندی گلمیشم بو قبرین
اوسته سینه داغلیم من
سسلیم حسینیم ای وای
بیر دویونجان آغلیم من
?یارالی حسین(ع)
- شنبه
- 25
- شهریور
- 1402
- ساعت
- 0:33
- نوشته شده توسط
- یوسف اکبری
ارسال دیدگاه