خطاکارم ، حُّر پریشان یاحسین
گناهیمدان اولدوم پشیمان یاحسین
☑️ بند اول
چخیب عرشه حرون اندوه و نواسی
گله گوزلریمه گوزلرین قاداسی
منی عفو ائیله ای فاطمه بالاسی
قالمیشام بو چوللرده گریان یاحسین
? یا مولا یا مولا عفو ائیله یا مولا
☑️ بند دوم
بو پریشان گویلی مولا خوشحال ائیله
اورگیم دن رفع غم و ملال ائیله
سنی زهرا آنان حری حلال ائیله
قویما قالسین بو نوعی نالان یاحسین
? یا مولا یا مولا عفو ائیله یا مولا
☑️ بند سوم
یولی باغلادیم من اصحاب رحمته
بالالاریوی سالدیم رعب و وحشته
گله مرجانه اوغلون گوروم لعنته
اودی فرمانده بو فرمان یاحسین
? یا مولا یا مولا عفو ائیله یا مولا
☑️ بند چهارم
آقاجان رحم ائیله حرون گوز یاشینا
هدف اولدی جام دل محنت داشینا
منی دولاندیر اصغریوین باشینا
بو گناهه چک خط بطلان یاحسین
? یا مولا یا مولا عفو ائیله یا مولا
☑️ بند پنجم
نه گوزلدی مولا راه حق و ایمان
قالاجاخ پاینده اسلامیله قرآن
سنه کیم دل ورسه اولماز عبد شیطان
ای اولان دیللرده جاویدان یاحسین
? یا مولا یا مولا عفو ائیله یا مولا
- شنبه
- 25
- شهریور
- 1402
- ساعت
- 0:50
- نوشته شده توسط
- یوسف اکبری
ارسال دیدگاه