☑️ بند اول
گلدی گینه ماه ناله و غم و ماتم
چخیب نوا عرشه غرق حزن اولوب عالم
آقام حسین آدی اولدی دیللره اذبر
کوچه و بازاره نصب اولوندی پرچم لر
چاغیردی فاطمه آقاما آغلیینلری
حسینه دیل وریب اونا قرا گیینلری
من گینه بوش الیله گلمیشم آقا
منی سالما دست خالی سن یولا
اربابیم حسین مهتابیم حسین
? یارالی حسین یارالی یارالی یارالی حسین
☑️ بند دوم
غلام اولان گوندن سن کیمی گوزل شاهه
اولموشام آزاده شاکرم من اللهه
سنین کیمی مولا روزگاریده یوخدی
اولسون ائوین آباد لطفون هامیدان چوخدی
مریض عشقیوم منه آدین دوا حسین
کرم لی اللره آتام آنام فدا حسین
گل غم الیند قویما گول کیمی سولام
توت الیمدن عاقبت بخیر اولام
ای باب کرم سنسیز اولرم
? یارالی حسین یارالی یارالی یارالی حسین
☑️ بند سوم
کربوبلا عشقی باشیما توشوب مولا
دیلده قراریم یوخ دعوت ائت سنی زهرا
گلیب قانیم مولا عشقیدن گینه جوشه
داریخمیشام آقا قسمت ائیله شیش گوشه
بیر عمر دور سنین یارالاریوا آغلیرام
قرا گییب اسیر بالالاریوا آغلیرام
من آقا ایستیرم بو اربعین حرم
گلم عاشقانه الده بیر علم
دنیانی آتام مقصوده چاتام
? یارالی حسین یارالی یارالی یارالی حسین
☑️ بند چهارم
اولن زمان نوکر اوندا کی چیخار جانی
آرزیلیار گورسون سون نفسده مولانی
خصوصا اول نوکر صاحب نشان اولسا
بزم عزالرده شاهه نوحه خوان اولسا
آقام وفالی دی قسم او قانلی پیکره
یقین گلر اوزی دییه یورولما نوکره
من باشیوا دولانیم ای گوزل آقا
من اولنده باشیم اوسته گل آقا
گل گویلومی آل
سن قیدیمه قال
? یارالی حسین یارالی یارالی یارالی حسین(ع)
- شنبه
- 25
- شهریور
- 1402
- ساعت
- 13:54
- نوشته شده توسط
- یوسف اکبری
ارسال دیدگاه