جام بلا بوردا داشیب
قان دجله سی باشدان آشیب
جان ورماغیم یاخینلاشیب
فریاده گل قارداش حسین
اولدی تلاشیم بی ثمر
یوخدور قولوم توتسون کسر
باشیم قالیبدی بی سپر
فریاده گل قارداش حسین
یوخ دیلده دیداره دوزوم
والله گلردیم من اوزوم
اما حسین گورمور گوزوم
فریاده گل قارداش حسین
قارداش منه اولدی اولان
تار اولدی دیدمده جهان
تیره گوزوم اولدی نشان
فریاده گل قارداش حسین
قانیم آخیر گوز قاشیما
ممزوج اولوب گوز یاشیما
دنیا دولاندی باشیما
فریاده گل قارداش حسین
گورسن منی اولما غمین
وار نوفلین قلبینده کین
ویردی عمود آهنین
فریاده گل قارداش حسین
گل دوره می دشمن آلیب
عباسیوی آتدان سالیب
سر لشگرین تنها قالیب
فریاده گل قارداش حسین
یوخدور توانیم من گلم
صاق و صولوم اولدی قلم
مشک اوخلانیب یاتدی علم
فریاده گل قارداش حسین
باشی بلایه سالمیشام
هر دردی جانه آلمیشام
جلاد الینده قالمیشام
فریاده گل قارداش حسین
تاثیر ائدیب نار عطش
اوخلار دییر قانه بلش
وار باشیم اوسته کشمکش
فریاده گل قارداش حسین
دورمده دشمن ال چالیر
عباسیوی درده سالیر
قلبیم دایانسین آز قالیر
فریاده گل قارداش حسین
جانیم سنه اولسون فدا
گر اولمادی دینیم ادا
شرمندیم سنن شها
فریاده گل قارداش حسین
نهر اوستونه دریا گلیب
یوز نیلی قدی تا گلیب
تئز گل آنان زهرا گلیب
فریاده گل قارداش حسین
? ای نور عین ای نور عین
جانم سنه قوربان حسین
- یکشنبه
- 26
- شهریور
- 1402
- ساعت
- 22:28
- نوشته شده توسط
- یوسف اکبری
ارسال دیدگاه