تُوشدِی کَربُ بَلا اِیچرَه شام قافِلَه سی
اِمام قَبرِینَه گلدِی اِمام قافِلَه سی
اِمام دُوردِی قباقدا سَلامِ عام اِیلَدِی
کِچاوَه دَن تُوکُولُوب اَهلبِیت سَلام اِیلَدی
یخِلدِی زِینَبِ کُبری او قَبرِ پاک اوُسته
مِدادِ اَشگِیلَه صُورَت چَکُوبدِی خاک اوُسته
آچُوبدِی چِکنَینی قَمچِی یِرِین نِشان وِیردِی
دِیدِی بُو مُدّتی قارداش مَنیم اِیشِیم بِیلَه دِی
بُو وَضعِ حالِیمی مَن سَندَن اوُزگِیَه دِیمَرَم
چَمَندَه بُلبُلِ شُورِیدَنین سُوزِی گِلَه دِی
بَدَن یانُوب خَبَر آلسان اوُلُوب بَنَفشَه کِیمی
گُوزُوم یاشین خَبَرِین دُوتما چِشمَه تَک اِیلَدی
وِیرِیلدِی سِلسِلَه سجادِیُوین اَیاقِندان
هَمِین بُو قِرمِزی چَکمَه نِشانِ سِلسِلَه دی
مَنِیم باشِیم آغارُوب اوُلدی تارِ سُنبُل تَک
گُورَندَه قانلی باشِین سَنگسار سَنگ اِلَه دِی
رُقَیّه نی خَبَر آلسان اوُلُوب خَرابه نِشِین
اوُزی گَلَنمَدی مَندَن سَنَه سَلام اِیلدی
بِیله خِیال اِیلَمَه گلدی مَن گتُورمَه مِیشَم
دِیدِیم گِیداق دِیدِی عَمّه اَیاقِیم آبِلَه دور
یَزِید اِیوی اوُلا گُوگُلوم کِیمی مَنِیم وِیران
پِیَمبَرِین اِیوِینی ظُلم اَلی خَراب اِیلدی
اُلوبدی قُوم و قَبِیلَم نِجَه گِیدِیم وَطَنَه
مَنیم مَدِینَه دَه فَخرِیم قَبِیلَه مَه اِیلدی
دُوشُوبدی گُوگُلیوَه کَرب و بَلا سَنِین #واقف
نَصیبُون اوُلسا یَقِین اِیلَه بُل گِیلَن صِلَه دِی
- شنبه
- 22
- مهر
- 1402
- ساعت
- 20:14
- نوشته شده توسط
- یوسف اکبری
ارسال دیدگاه