قتلگاه سیدالشهدا(ترکی)

(لطفا در مکان و زمان و حال مناسب خوانده شود)

ایا امام زمان دل دوشوبدی طاقتدن

گرک دییم قشونون ائتدیگی جنایتدن

.

اوزون کمکلیق ائله روضه سی آغیر سوزدور

گذشت ائله یازورام عمده بیر حکایتدن

.

گون ایستیسی ایلیوب دی یری جهنم تک

یر اوسته قوملاری حتی یانور حرارتدن

.

گئدوبدی قان اوقدر که بو ایستیده تن دن

دومان گوروردی گویی درد بی نهایتدن

. 

دایاندی بیر نچه لحظه نفس دوتا بلکه

بئله یازوبدی مقاتل ده وار روایتدن

.

توخانموشیدی بیر اوچ شعبه تیر زهرآگین

امام دین اورگیندن ولی قصاوتدن

.

او اوخ اوزوبدی سراسر اورک دامارلارینی

ائله سوکوب داغیدوب سینه سین شقاوتدن

.

بو حالیلن دایانوب جنگ ائدور شجاعانه

گوی اهلی ماتیدی هامی بو حد شجاعتدن

.

بنانی قویدولا بیردن داش آتماقا لشگر

ئوپوردی داش بدنین نیت زیارتدن

.

امامی دوره ائدوبلار آتاسی بغضیندن

که هر بیری یارا وئرسا اوزی عداوتدن

.

وئروردی نیزه وئرانلار او شاه تشنه لبی

وئروردی بعضی سی یولداشلارین نیابتدن

.

سایلماقا دگول امکان ویرانلاری حتی

وئروردیلار هاموسی شاهی قصد قربتدن

.

نفس چکنده زره دن قانی آخوردی یره

هوایه قان آتیلور حدی سیز جراحتدن

. 

گئدوبدی طاقت الیندن دوشوبدی شمشیری

یخیلدی توپراقا سجده ایدوب ارادتدن

.

علی اکبرینی دوغراناندا کوفه لیلر

حسین واریدی یتیب تئز خیام عصمتدن

.

اودور که اکبرینی نامرتب ایلدیلر

امان یوخیدی او قومه امام امت دن

.

ولی زمان چوخودی تا حسینی دوغریالار

امامی دوغرادیلار وحشی لر قصاوتدن

.

دوشوبدی لرزیه کون و مکان او ساعتده

داخی دئمم قشونون ائتدیگی جنایتدن

.

ایا باشی کسیلن قتل صبریله مولا

بو «زائره » کرم ایله اوزون عنایتدن

رامین برومند (زائر)

سوم محرم ۱۴۰۲

۲۱:۰۰