بو های و هو که گورورسوز ، ظهور علامتیدی
بوظلمتی که دوتوپ دهری ، نور علامتیدی
دیمه امام زمان هانسی جُمعه، جَمعه گلر
بو که نفس چکیروخ بیز، حضور علامتیدی
حسین دیَنده که ، بی اختیار مست اولوسان
حلالزاده ، شراب طهور علامتیدی
حسین مرامیدی سید علیّ خامنه ای
بو امره کیم اولا منکر، غرور علامتیدی
ئولوم سراغیوه بیر یول گلر شهادتی تاپ
وطنده خیزشه باخ ، نفخ صور علامتیدی
وطن فروشه اوشاقلاردا ایندی لعنت ائدور
دیمه گوزوم یولی گورمور ، بو کور علامتیدی
شهیده آغلاما ، آغلا فقط ئوز احوالیوا
شهید ئولنده گولر ، بو سرور علامتیدی
به یاد سید علی ، مجتبانین ئوپ الینی
اونا کیم ایتمَسه بیعت، قصور علامتیدی
اینانما چوخ متجاوزلرین یالان سوزونه
بولار سفاهت و فسق و فجور علامتیدی
مذاکره اولا یا اولمیا ، امام بیلر
دیمه که شوریدی بو، یوخ شعور علامتیدی
امامیمیز نه دیسه بیز گرک تأسّی ایداخ
سوزی ادارۀ کلّ امور علامتیدی
تمام منطقه نی چالشه چکوب ایران
بوسرنگونیِ خصم شرور علامتیدی
یهوده تنگۀ هرمز دا تنگ اولوب عرصه
بو اقتدار ، سپاه غیور علامتیدی
چراغ سبز بوگونلر تمام کشتی لره
علمده یاعلی یازسان ، عبور علامتیدی
امامیدن نه دالا قالگیلان نه گئچ قاباقا
بو پیروان فهیم و صبور علامتیدی
حسینِ عصر ، بیزه گوندروبدی اوچ مسلم
اوچوده راضیدی بیزدن ، بو نور علامتیدی
حسینِ عصر ، امام زمانیمیزدی بیزیم
ظهوری مکه ده، شور و نشور علامتیدی
وفالی ایرانا باخ ، کوفه نین گتورمه آدین
که خُلف وعده او خلق جسور علامتیدی
اوشهرین اهلی بیر ایش گتدّیلر قوناق باشینا
باجیسی باخدی دیدی بو تنور علامتیدی
حسین ، باشا باخورام پیکرون دوشور یادیما
که گوردوم هر یری سُمّ ستور علامتیدی
- یکشنبه
- 20
- اردیبهشت
- 1405
- ساعت
- 23:57
- نوشته شده توسط
- یوسف اکبری
- شاعر:
-
ولی الله کلامی زنجانی
ارسال دیدگاه