اوتان بی شرم آمریکا، سسون کس
دئ اسرائیله ای خونخوار ناکس
او پرچم که واری نقش مثلث
گرک یاتسون، به حکم ذات اقدس
دی سنده موضعین ایله مشخص
گرک آزاد اولا بیت المقدس
ــــــــــــــ
آچاندا قرآنی وقت تلاوت
دایان قیل سورۀ اِسرانی رؤیت
بشیمجی آییه چوخ ایله دقت
بنی اسرائیله وار خوف خفّت
سالار طوفان قوای استقامت
گیدر امت سسی تا چرخ اطلس
ــــــــــــــ
دی داوود نبی غوغانی گؤرسون
قزل تشته سر یحیانی گؤرسون
پیمبر لر گزن مأوانی گؤرسون
نمای مسجد الاقصانی گؤرسون
شب معراجیده طاهانی گؤرسون
دی دوتسون عید فطر و عید مبعث
ــــــــــــــ
اؤ حاکم لر که بی دین و هدفدی
فلسطین باره سینده بیطرفدی
خیال ایتمه اولار اهل شرفدی
جوانمردان عالم جان به کفدی
دیسون کیم شیعۀ شاه نجفدی
دای آتش بس جنایت بس ستم بس
ــــــــــــــ
الا رزمندگان آزموده
قدم میدانه قوی عرض وجوده
وئر اخطار خطر قوم یهوده
صعود کفر اولوب منجر فروده
او آهن گنبده یاخ رنگ دوده
چیخانمز عرصۀ سیمرغه کرکس
ــــــــــــــ
گیچوب بو یولدا نصرالله جانندان
(سلیمانی ابومهدی) قانندان
(رئیسی آل هاشم) سامانندان
(سلامی باقری) عزّ و شانندان
نه (حاجی زاده) دؤندی پیمانندان
دیدی ال چکمز انسان قرآنندان
نه فرق ایلر مذکّر یا مونّث
ــــــــــــــ
الا یا ایها الانسان و ابرار
تانی شمر زمانی وقت پیکار
قیام ایت سال یولا طوفان احرار
دینن لبیک ای قولسوز علمدار
هامی سربازیدی ، عباس ، سردار
بلی باب الحوائجدی وئرر سس
ــــــــــــــ
ائشیت ای دل نوای دلنوازی
ظهوره آز قالور بیل رمز و رازی
یاز ای شاعر سرود پیشوازی
گلور مهدی گؤره سوز وگدازی
قیلا بیت المقدّسده نمازی
اونا دل وئرمیشوق بیز آلماروخ پس
ــــــــــــــ
سن ای ایرانلی که شخصیتون وار
خدایه شاکر اول امنیتون وار
خمینی تک امام امتون وار
جزاک الله حسینی غیرتون وار
سنون سید علی له بیعتون وار
لباس افتخاره اول ملبّس
ــــــــــــــ
گینه ایرانلی بیعت یاره ایتدی
توسّل حیدر کرّاره ایتدی
(نتانیاهو) ئوزون بیچاره ایتدی
یهودین روزگارین قاره ایتدی
بنی اسرائیلی آواره ایتدی
اولوبدی یئر یوزی صهیونه محبس
ــــــــــــــ
یار اول قرآنه سسلن یا ابوالفضل
باخار ایرانه سسلن یا ابوالفضل
جوانمردانه سسلن یا ابوالفضل
دویاندا جانه سسلن یا ابوالفضل
باتاندا قانه سسلن یا ابوالفضل
جهاندا جاودانی دور بو مبحث
ــــــــــــــ
سیزه ملت هم آوازدی کلامی
ایاق آلتدا سرافرازدی کلامی
سیزه همراه و همرازدی کلامی
سوسوز سرداره سربازدی کلامی
حسینون عشقینه یازدی کلامی
محرّمده اوخونسون بو مسدس
- دوشنبه
- 21
- اردیبهشت
- 1405
- ساعت
- 0:26
- نوشته شده توسط
- یوسف اکبری
- شاعر:
-
ولی الله کلامی زنجانی
ارسال دیدگاه