ای اهلِ ایران، قالیبدی حیران، تمامِ عالَم
هر گئجه گَللّوق، سَرِ قراره، بیر اَلده پَرچم
وئریبدی درسِ، ولایتی چون، بیزه شهیدلر
هر گئجه گَللّوق، شور و نوایه، به نامِ حیدر
چَکمَروق اَل ذِکرِ جَلیدن
پِیروی از راهِ ولی دن
هر نَقَدَر اولسادا دشمن
بیز مَدد ایستَروق علیدن
علی حیدر مدد، یا علی حیدر مدد (4)
ایرانلیوق بیز، نه اهلِ کوفه، بیزده وفا وار
اودور کی دلده، بیزیم همیشه، عشقِ وِلا وار
مِلّتِ ایران، عَهد و قرارین، آتمیه جاقدی
گَلینجه مولا، پرچَمِ ایران، یاتمیه جاقدی
ائتدی مَدد سَروَرِ دوران
باغلامیشوق عَهدیله پیمان
رمزیدی صبر و استقامت
فاتحِ میدان اولار ایران
علی حیدر مدد، یا علی حیدر مدد (4)
منه ائدیبدی، غریبه اِحسان، خالقِ رحمت
اولام جَهاندا، بو جَمعیله من، اهلِ ولایت
کِنارِ یاران، اولوبدی شُغلوم، مشقِ شهادت
وطن یولوندا، اگر وئره م جان، زِهی سعادت
شیرِ خُدا ، ایلَسه اِعجاز
دینه یازا، آدیمی سرباز
من بویانام قانیمه اَمّا
کِشوریمیز اولا سراَفراز
علی حیدر مدد، یا علی حیدر مدد (4)
بیز اهلِ ایران، حَقّه مطیعوق، بو سیره میزدی
اطاعت ائتماق، اَمرِ وَلی دن، فریضه میزدی
بیزیم جهاندا، صاحب زمان تَک، سَروَریمیز وار
ظهور ائدینجه، نائبِ بَرحَق، رهبریمیز وار
حاجَتیمیز یوخدی کِنِشته
کی راضییوق بو سَرنِوشته
علی بالاسی گَله جاقدی
عالَمی دوندَره بهشته
علی حیدر مدد، یا علی حیدر مدد (4)
- دوشنبه
- 21
- اردیبهشت
- 1405
- ساعت
- 0:48
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه