ای رهبرِ گُلگون پیکر
ای خَسته وجودی پَرپَر
قرخ گوندی بویاندون قانه
بو غمده یانوب چوخ دللر
اوزون گئدوب مرامه چاتدون
یتیم ائدوب منی قوجاتدون
فغان و ناله می اوجاتدون
ایوای آقام، ایوای یارالی (4)
سیّد علی آزاده
یاننام دوشوری چون یاده
قانیله خضاب ائتدون سن
آغ زلفووی بو دنیاده
بیجا یئره دل دولمیوبدی
هیچ گل سنون تک سولمیوبدی
جسمون هَله دفن اولمیوبدی
ایوای آقام، ایوای یارالی (4)
چَکدون نَقَدر غم آقا
چوخ تُهمت ائشیتدون امّا
دشمنلریوی آخرده
قانیله ائدوبسن رُسوا
اولدون فدا ایرانِ جانه
ائل طایفَنده باتدی قانه
عالَمده اولدون جاوِدانه
ایوای آقام، ایوای یارالی (4)
ای دینه اولان قربانی
معنا ائلدون قرآنی
قانین ائلیوبدی مبعوث
بو ملّتِ با ایمانی
سندن آلوب درسین بو ملّت
اورگَتمیسَن راهِ سعادت
راهِ ولایت تا شهادت
ایوای آقام، ایوای یارالی (4)
هجرونده بو گوزلر تَردی
دلده قالانان غملردی
آللهه گینه شُکر اولسون
اوغلون بیزه چون رهبردی
گر دلده وار دردِ نهانی
تک قویماروخ بیز مجتبانی
بیز گوزلوروخ صاحبْ زمانی
ایوای آقام، ایوای یارالی (4)
- دوشنبه
- 21
- اردیبهشت
- 1405
- ساعت
- 1:26
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه