ای ایران ای با صفا وطن
اولسون قربانون بو جان و تَن
عزّت وئردی گول آدون منه
منده دلدن عاشقم سنه
سن
عزّت و وقار و شوکتیم سن ای وطن
سن دلیلِ نابِ غِیرتیم سن ای وطن
بو سوزده من / چوخ صادقم
توپراقیوا / من عاشقم
هرگز سنون
توپراقیوی وئرمرم دشمنه
بو جانیم اولسون فدا، تا سنه
﴿ایران ، ایران ، خاکِ سَرفَراز ﴾ (۴)
﴿ایران ، ایران ، ای گوزل وطن﴾ (۴)
ای مدفنِ حضرتِ رضا
تحتِ اَمرِ آلِ مرتضیٰ
سن اسلامین اِعتباری سان
ضامنِ آهو دیاری سان
سن
هر زمان یَزیدیانی درده سالموسان
پَرچَمِ حسینه سنده دالدالانمیسان
ای معدنِ / نور و صفا
رهبر سنه / اولدی فدا
سیّد علی
گئچدی یولوندا سنون هر نَدن
تا اولماسین دلده غم، ای وطن
﴿ایران ، ایران ، خاکِ سَرفَراز ﴾ (۴)
پَرچَموندی افتخاریمیز
اَصلانلار یووردی دیاریمیز
واردی چوخلی قَهرَمانلارون
با غِیرتدی، چون جوانلارون
سن
باکری و باقری لرین دیاری سان
موسوی، سلامی نین گوزل مزاری سان
راهِ حَقَه / اولدون دلیل
دشمنلری / ائتدون ذلیل
بیگانیه
ئولساقدا توپراقیوی وئرمروق
ذلّت لباسین ئولاق گییمَروق
﴿ایران ، ایران ، خاکِ سَرفَراز ﴾ (۴)
اورگَتمیسَن، عزّته وطن
دوزمروخ بیز ذلّته، وطن
باش اَگمیشوخ چون ولایته
آمادییوخ بیز شهادته
بیز
باش و جانیدن گئچوب ولی دوزاق گَرک
دشمن اَللرین بو ئولکه دن ئوزاق گَرک
رَختِ وفا / بیز سویماروق
بیزلر سنی / تک قویماروق
سن سن وطن
همچون آنا بیزلره مهربان
(بیکَس) یولوندا وئرر باش و جان
﴿ایران ، ایران ، خاکِ سَرفَراز ﴾ (۴)
- دوشنبه
- 21
- اردیبهشت
- 1405
- ساعت
- 1:36
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه