ای قانه باتان یولداشلار
جاریدی یوزه قان یاشلار
عزّت قازانیبسیز بَه بَه
ای کامه چاتان قارداشلار
ایکی جهان یوزوز آغ اولسون
قَراملک باشی ساغ اولسون
﴿لایلای قیزیل قانه باتانلار﴾
﴿باش فکرینی باشدان آتانلار﴾
ای پَرپَر اولان لاله لَر
باشدان کَسیلَن سایه لَر
سیز آللّها مهمان اولدوز
قرآندا دیور آیه لر
آللّه آیی قوناق گیدیبسیز
آخرده مقصده یِتیبسیز
چَکدوز اوره گه چوخ داغلار
قویدوز آنالاری آغلار
نیسگیللی گیدیبسیز امّا
اَحوالیزا آغلار باغلار
خزان یِلی دَیَنده سولدوز
لاله کیمی چَمنده سولدوز
قانه بَلَشن پیکرلَر
غیرتدن اولوبسوز پَرپَر
خوش حالیزا اُولدوز سیزده
هَمگامِ علیِ اکبر
جان ویردوز آخر چوخ اوجالدوز
جوازِ کربلانی آلدوز
بَه بَه نه گوزل گول دَردوز
توپراقلارین اوسته سَردوز
دین اوسته شهید اولماقی
اِحیا گجه سی ایستَردوز
دُعالروز اِجابت اولدی
لیاقَتوز شهادت اولدی
چون ذلّتی شیعه سویمَز
سَرووخ بیزی هیچ ، یِل اَگمز
توپراق یِه سَدَه ایرانلی
دشمنلره توپراق ویرمز
ویردی نشان بو نِچّه قارداش
هیچ دشمنه بیز اَگمَروخ باش
- دوشنبه
- 21
- اردیبهشت
- 1405
- ساعت
- 1:50
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه