ای وطن آبروسی ای جوانلار
کاخ ظلم و نفاقی ای یخانلار
ای آنالارینی درده سالانلار
چوخ آنانین/وار گوزونده/اشک آلی
جان یارالی/جان یارالی/جان یارالی
دین یولوندا شهید اولماق گوزلدی
تیر غم حیف اولا قلبوزی دَلدی
فقط الله بولور سیزه نه گلدی
درده سالدی/بو مصیبت/اهل عیالی
جان یارالی/جان یارالی/جان یارالی
اوجا اولسون باشیز هر ایکی عالم
سیزی تحسین ایدور عالَم و آدم
یارالی جسموزه گوز یاشی مَرهَم
خسته یاتدوز/قانه باتدوز/سیز یارالی
جان یارالی/جان یارالی/جان یارالی
ای یتیم ایلین گول بالالارین
گوزی یولدا قویان اوز آنالارین
قامتین اَگدی غم چوخ آتالارین
ائل قبیله/سیزدن اوتری /وار ملالی
جان یارالی/جان یارالی/جان یارالی
داغ کیمی ای صلابتلی جوانلار
جسمیدن رختِ آسایش سویانلار
ای شیرین جانلاریندان تز دویانلار
خاکِ میهن/تاپدی سیزدن/بو جَلالی
جان یارالی/جان یارالی/جان یارالی
حقّه خاطر عجب ایدوبسوز همّت
کربلادن آلیبسوز درس غیرت
قسمتوز اولدی آخرده شهادت
او دَلیله/(بیکَسین)وار/مین خیالی
جان یارالی/جان یارالی/جان یارالی
- دوشنبه
- 21
- اردیبهشت
- 1405
- ساعت
- 1:51
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه