ای شهیدان خدایی
باشدا شور نینوایی
باش و جاندان گچدوز آخر
اولموسوز کرب و بلایی
ای عزّتیله دینه گوره قانه باتانلار
باشوز اوجا اولسون سیزون ای کامه چاتانلار
سلام ای با وفالر
خوش یازیلدی سرنِوشتوز
سَنگروز اولدی کِنِشتوز
قانوزا غلطان اولاندان
عِندَ رَب اولدی بهشتوز
چکدوز باشا مردانه هامی شهدِ شهادت
تدریس ایله دوز عالمه سیز درس ولایت
سلام ای با وفالر
قهرمانان سرافراز
ایله دوز دنیاده اعجاز
سیز قاناد چالدیز بو یردن
ایله دوز جَنّاته پرواز
الله اوزی شاهددی نجه قانه باتیبسوز
آخرده آلوب مُزدوزی قان ایچره یاتیبسوز
سلام ای با وفالر
ای جوانمردان دوران
رهروان شاه مردان
جان وئریب عالمده اُولدوز
آبروی خاک ایران
حیراندی سیزون همّتوزه مردم دنیا
عزّت وئرر الله سیزه دنیائیله عقبا
سلام ای با وفالر
سیزلره اولدی عنایت
قسمتوز اولدی شهادت
قلبلرده نام و یادوز
جاوداندی تا قیامت
روحیم دیریلر سیزلری من یاد الینده
نامِ شهدا حشره کیمی زنده دی زنده
سلام ای با وفالر
- دوشنبه
- 21
- اردیبهشت
- 1405
- ساعت
- 1:58
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه