گرچه وار قلبیده آثارِ جَراحت
یازیرام بیر نچه خط ، دیل اولا راحت
اوزلریندن مَدد آللام یازارام من
گینه مَفتوحودی چون بابِ شهادت
سلام اولا ، لاله کیمی سولانلارا
سلام اولا ،دینه فدا اولانلارا
ایتمه روخ واهِمه بیز جنگ و خطردن
سالماروخ دشمنی بیر لحظه نظردن
چونکی چوخدان بو گونون منتظریدوخ
کی کَساخ ریشه ی صَهیونیستی یردن
بو جنگ اگر ، بیزلره تحمیل اولدی
اورکده کی ، آرِزو تحصیل اولدی
سلام اولا ، لاله کیمی سولانلارا
سلام اولا ،دینه فدا اولانلارا
فکرِ خامیله گلوب ، دشمنِ جَلّاد
ویردی اوز هِیمَنه سین دهریده بَرباد
اونی ایران ایله رُسوا ایلییبدی
یاغیری باشلارینا موشک و پَهباد
خدا اوزی ، دشمنی خوار ایلیوری
اوزی سالان ، درده دچار ایلیوری
سلام اولا ، لاله کیمی سولانلارا
سلام اولا ،دینه فدا اولانلارا
ای بَشَر سعی ایله سن بی هدف اولما
حَقّ و باطل ساواشیر ، بی طرف اولما
بو جَهان قورتولاجاق ، وار اَبَدیَّت
گَل شَرافتلی یاشا ، بیشَرف اولما
خوشا او کَس ، کی عاقبت اولار شهید
شهید اولان ، اولار همیشه رو سفید
سلام اولا ، لاله کیمی سولانلارا
سلام اولا ،دینه فدا اولانلارا
- دوشنبه
- 21
- اردیبهشت
- 1405
- ساعت
- 2:0
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه