"اهلِ ایران من گئدوب ، قرآنی تاپشوردوم سیزه
انقلاب و کشورِ، ایرانی تاپشوردوم سیزه "
دین سیزون ، قرآن سیزون
پرچمِ، ایران سیزون
ظاهراً گئتسَمده من، باطنده روحوم بوردادی
بیرقِ نُصرت سیزون، میدانی تاپشوردوم سیزه
مکتبِ سُرخِ حسینه، عاشقِ جانبازیدیم
گئتدیم امّا سیره یِ، خوبانی تاپشوردوم سیزه
نخلِ دینی آبیاری ائتماقا قان ایستییَر
پیکرِ زخمی، رُخِ، اَلقانی تاپشوردوم سیزه
من شهادت آرِزوسون، چَکمیشم بیر عُمرودی
شُکر اولا تاپدیم اونی، دورانی تاپشوردوم سیزه
من فدا اولدوم بو دینه، بَسدی بو عزّت منه
دینه صَدمه یِئتمَه سون، بیر آنی تاپشوردوم سیزه
هم اوزوم قربانِ دینم، هم ائلیم هم طایفه ام
گئتدوق امّا دینیله، پیمانی تاپشوردوم سیزه
ذکر ائدون دیلده هامی، اِنْ تَنصُروا.. آیه سین
نُصرت، آللهدان گَلر قرآنی تاپشوردوم سیزه
عرصه نی بوش قویمیون، دشمنلری نابود ائدون
ذکرِ حیدر، سَرورِ مردانی تاپشوردوم سیزه
حضرتِ صاحبْ زمان، بو کِشوره صاحب دوروب
یاد ائدون سیز زاده یِ ، زهرانی تاپشوردوم سیزه
مطلع شعر : وام گرفته شده از اشعار استاد کلامی زنجانی
- دوشنبه
- 21
- اردیبهشت
- 1405
- ساعت
- 2:7
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه