بیزدن سلام و رحمت ، یا ثامن الائمه
سندن بیزه عنایت ، یا ثامن الائمه
پرچم گلوب ووروبدی ، نیسگیل دیله بو پرچم
غم گَردینی گَلوبدی ، دیلدن سیله بو پرچم
عطر حَرم گَتوردی ، بو محفله بو پرچم
مجلس تاپیبدی زینت، یا ثامن الائمه
منکی اوشاقلیقیمدان ، عشقونله مُبتلایم
درگاهِ رحمتونده ، گوزیاشلی بیر گَدایم
سال بیر نَظر گَدایه ، محتاجِ بیر عطایم
ای معدنِ کرامت ، یا ثامن الائمه
خادم لرون ملائک ، خدمتده سینه چاکون
مین گوهرِ بهشتی ،هر ذَرّه ذَرّه خاکون
من ویرمَرم جِنانه ، مولا حریمِ پاکون
ای شاهِ با جلالت ، یا ثامن الائمه
ای رأفتین نشانی ،ای حَجِّ مُستَمندان
مؤمن لرین پناهی ، ای افتخارِ ایران
بیرلحظه باخماقوندان، هر مشکل اولدی آسان
ای چِشمه سارِ رأفَت ، یا ثامن الائمه
آگاهیسن سوزومدن، هم سِرّی هم عَلَن ده
غملر چیخار یادیمدان ، پابوسیوه گَلنده
رَنجه قَدَم ایدوب گَل ، بو نوکرون ئولَنده
کافیدی بو سعادت ، یا ثامن الائمه
من نوکرم قاپوندا ، هرچند روسیاهم
لایق عمل یوخومدی ، شرمنده ی گناهم
سَنسَن پناهِ عالَم ، من عبدِ بی پناهم
ای تکیه گاهِ اُمّت، یا ثامن الائمه
بو (بیکَس) و حَزینون ، واردور فغانی مولا
(پیری) بویوردی یازسین ، بِیله بَیانی مولا
خدمتلرین قبول ایت ، معصومه جانی مولا
ایله اوزون شفاعت، یا ثامن الائمه
- دوشنبه
- 21
- اردیبهشت
- 1405
- ساعت
- 2:14
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه