ای شَهِ سِلم و رضا ، شاهِ خراسان
سُفره ی لطفووه اولدوم گینه مهمان
قاپیوین سائلی ، سُطانِ جهاندی
من کیمَم عالَم و آدم سنه قربان
سلام اولا ، سُلاله ی پِیَمبره
سلام اولا ،رَئوفِ آلِ حیدره
رضا ، رضا ، رضا غریب الغُرَبا
رضا ، رضا ، رضا مُعین الضُعفا
گول یوزون آیتِ حُسنِ اَزَلیدور
نورِ رُخسارون آقا نورِ جَلیدور
عصمتی فاطمه دن اِرث آپاریبسان
شوکتون ، شوکت و اِجلالِ علیدور
گوزل آدون ، عجب صفالیدی آقا
آتام ، آنام ، اولا بو آدیوا فدا
ای تَجَلّی گَهِ آیاتِ اِلهی
شیعه نین ای ایکی عالَمده پَناهی
سَنکی آهونی ضمانت ایلیوبسن
گَل ضمانت ایله بو غرقِ گُناهی
یوزوم قَرا ، خطالریم چوخدی منیم
خَجالَتم ، خِیر عَمَلیم یوخدی منه
شیعیانین سَبَبِ عزّتی سَنسَن
سَربُلند اولماقینین علّتی سَنسَن
اهلِ ایران یری وار ، ایتسه مُباهات
چونکی توپراقیمیزین ،زینتی سَنسَن
مَزاریوی ، گورَنلَره وار بو پیام
بو کِشورین رضادی شاهی والسلام
سنه قربان اولوم ای شَمسِ امامت
(بیکَسم) دهریده ، مُحتاجِ عنایت
آند ویررّم سنی معصومیه مولا
منه بو جَمعیله ویر قولِ زیارت
اجازه ویر ، سالاخ مَسیری طوسه
اجازه ویر ، گَلاخ گینه پابوسه
- دوشنبه
- 21
- اردیبهشت
- 1405
- ساعت
- 2:22
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه