بونی عالَم بولوری ، سَرورِ ایراندی رضا
سائلی رَدّ ایله مَز ، معدنِ احساندی رضا
شاهِ ایرانی (رضاخان ) یازانا سَسله دِینه
دینمه جاهل بو یِرین، شاهی رضا جاندی رضا
یا مولا
رضا رضا رضا
سِبطِ طاهادی رضا ، گول آدی همنامِ علی
گُلشنِ فاطمه ده ، سَروِ خُراماندی رضا
صف چکوب فوجِ مَلَک بوسه وورا مَرقدینه
یوزی مِرآتِ نَبی ،حُجّتِ یزداندی رضا
سَسله سه کیم آدینی ، عشقیله قلبی دولاجاق
آدی ا... آدیدی ، آیتِ سُبحاندی رضا
حُسنی سَرتاسَر ایدوب، آیه یازیبلار یوزونه
آل وضو سَسله آدین ، معنی قرآندی رضا
عالَمی ظلمت اگر ، دوتسا بیزه یوخدی هَراس
حضرتِ شَمسِ شموس ، مِهرِ درخشاندی رضا
عالمی سالمیش اگر، حیرته بیر علّتی وار
دستِ قُدرت یارادیب ،جلوه ی رَحماندی رضا
گوشه ی چَشمیله باخسا ، ایکی عالَم بَسدی
نه فقط شیعه لره ، عالَمه سلطاندی رضا
دوشموسَن درده اگر ، دامَنینی بوشلاما سن
سنی نومید ایله مَز ، دردلره درماندی رضا
حَشریده یانمیه جاق ،دالدالانان سایه سینه
جان فدا سایه سینه ،سایه ی رحماندی رضا
حَرمین ایتمه عَوض، روضه ی جَنّاتیله چون
گوزلیور جَنّت اونی ، زینتِ رضواندی رضا
چاره سیز درده دوشَن ، چاره سینی اوندان آلار
عالَمین مُشکُلونی ، ایلییَن آساندی رضا
حشریده ثابت اولار ، نوکرینین مَرتبه سی
نوکرین شاه ایلییَر ، لُطفی فَراواندی رضا
هر کَسین قلبی اولوب ، بی سَرو سامان چاغیرین
هامی آشُفته لره ، چون سَرو ساماندی رضا
کُشته ی نامِ علی ، اولدی رضا زَهریله
چون علی حَقّیدی ، حَقّه اودی قرباندی رضا
کُفرون اِظهار ایلیوبدور ، اونا مأمونِ دَنی
حیف اولا آنلامادی ، صورتِ ایماندی رضا
طوسیده (بیکَس) و تنها ، یِره قویدی یوزونی
گَلدی آخر بالاسی ، جَدّینه مهماندی رضا
- دوشنبه
- 21
- اردیبهشت
- 1405
- ساعت
- 2:24
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه