شُکر اولا چون منه
لطف ایدیبدی خدا
بَسدی بو افتخار
سَروَریمدی رضا
ای اولان دهریده
دردلره مُبتلا
چاره وی ایسته سن
سَسله سن یا رضا
یا رضا یا رضا
یرده نورِ خدا
اولدی تا مُنجَلی
انتخاب ایتدیلر
گوزل آدین علی
گَرَک عاشقلری
قلبیدن شاد اولا
نَجمه خاتونه دِه
ایوین آباد اولا
یا رضا یا رضا
آچسا منزلده گوز
تازه مولود اگَر
قاپیسین اُول ایوین
چوخلی سائل دویَر
منزلِ کاظمی
شَمس ایدوب جلوه گَر
کیم دیسه یا رضا
مُژدگانی ویرر
یا رضا یا رضا
سیرتی مُصطفی
صولتی مرتضی
عصمتی فاطمه
حِلمیده مُجتبی
جَمعِ هر پنج تَن
سَرورِ نَشأتِین
شیعه نین عزّتی
یادگارِ حسین
یا رضا یا رضا
ای گرفتارِ غَم
دردیوه آل دوا
معدنِ لطفودی
چون امامِ رضا
اونی ویرسَن قَسَم
آقام عَبّاسه گَر
هر نه دردون اولا
قوخما درمان ایدَر
یا رضا یا رضا
آقا لایق دگول
عَمَلیم گَر سیزه
ای امامِ رَئوف
تاجِ سَرسن بیزه
مَقدَمون وار یری
جَبرئیل ایتسه بوس
سَنله فخر ایلییَر
جَنَّته اَرضِ طوس
یا رضا یا رضا
عادتون لطفودی
ای شَهِ مُحتَشَم
سائله دائماً
ایلییَرسَن کَرَم
هر شکسته دیله
دیل نَواز اولموسان
چاره سیز دردلره
چاره ساز اولموسان
یا رضا یا رضا
(بیکَسم ) یا رضا
گَلمیشم من دیله
گَل باجون خاطری
باخ منه لُطفوله
قویما اَغیار آقا
دردیمی چوخ بوله
با صفا قبریوه
گینه دعوت ایله
یا رضا یا رضا
- سه شنبه
- 22
- اردیبهشت
- 1405
- ساعت
- 23:8
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه