گویول قوشی پر ووروری سمتِ خراسان
ایستیر اولا گُنبدِ زَرّینیوه مهمان
ای ایدن آهویه ضمانت ، گُلِ زهرا
آتام ، آنام ، اوزوم، آقا آدیوا قربان
زائرلرون ایندی گلور طوسه
گوزل ضریحیوه وورا بوسه
بوشدی الیم سن بولوسن آقا
دعوت ایله دوباره پابوسه
امام رضا نوکریوم آقا
(امام رضا عاشقیوم آقا)
ضَریح و گُنبد و حَرم نه با صفادی
گوزل آدون تمامِ دردیمه دوادی
حضوریوه گَلَنلَر اِعتراف ایدور کی
بو کِشورین وَلیِّ نعمتی رضادی
ای اولان عالَمده کَرم کانی
سُفره وین عالَم اولدی مهمانی
سنی باجون معصومه نین جانی
اوزون آقا حفظ ایله ایرانی
امام رضا نوکریوم آقا
(امام رضا عاشقیوم آقا)
دوزدی حضوروندا منیم قاره یوزوم وار
سن بولوسن دیلده ولی چوخلی سوزوم وار
من بولورم سائلی سن رد ایله مَزسن
آند اولا زهرایه آقا سنده گوزوم وار
ای یادگارِ سَرورِ مظلوم
شَمسِ شموس و دَهُمین معصوم
ایندی زیارت ایستیرم امّا
شفاعتوندن ایلمه مَحروم
- سه شنبه
- 22
- اردیبهشت
- 1405
- ساعت
- 23:10
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه