گوز آچدی عالمه بوگون //شهنشه جهانیان
ایشقلانوبدی یر یوزی //صفا تاپوبدی آسمان
ویروبدی بیر اوغول گینه// امام کاظمه خدا
ایدوبدی شکر خالقه //گوزل آدین قویوب رضا
یا ابالحسن
امیر خجسته/اورک سنه بسته/قدملریوی قوی/بو گوزلریم اوسته
ضامن آهو
(امید ضعیفان/گُل آدیوا قربان گُل آدیوا قربان)
ویروب صفا بو غنچه نین//جمالی باغ عصمته
تیکوبدی گوز جهانیان// او دست با کرامته
نگار مه جبینیمیز // سالوبدی سایه عالمه
دوا ائدر گوزل آدی // تمام غصّه و غمه
یا ابالحسن
نه چوخ یارامیز وار/مگر هارامیز وار/سنونکیمی مولا/گوزل آقامیز وار
ضامن آهو
(امید ضعیفان/گُل آدیوا قربان گُل آدیوا قربان)
دوشوبدی باشیمه گینه//هوای مشهد الرضا
اولا دوباره قسمتیم // عجب صفاسی وار آقا
سنون محبتون ولی // ایکی جهانه ساتمارام
حرم خیالینی آقا // ئولونجه باشدان آتمارام
یا اباالحسن
ای عالمه سلطان/پناه ضعیفان/او صحن و رواقه/اولوم آقا قربان
ضامن آهو
(امید ضعیفان/گُل آدیوا قربان گُل آدیوا قربان)
منی اگر چاغیرماسان //کیمه دیوم اوره ک سوزون
سنی جوادوین جانی// منیده دعوت ائت اوزون
گلوب گینه او صحنیده// رواقیده قدم وورام
الیمی سینمه قویوب // یانا یانا وئره م سلام
یا ابالحسن
ای عالمه عزّت/اوزون قیل عنایت/زیارتون اولسون/گینه منه قسمت
ضامن آهو
(امید ضعیفان/گُل آدیوا قربان گُل آدیوا قربان)
یوزی قره غلامووم //غریب و زار و بیکَسم
محال امریدی ولی // آقا امیدیمی کسم
ایا غریب شهر طوس // اورکده چوخدی غصه لر
خدادن ایسته سن آقا // امام عصریمیز گلر
یا ابالحسن
اَیا گل طاها/دعا ائله آقا/سیخیلدی اورکلر/کی تئز گله مولا
ضامن آهو
(امید ضعیفان/گُل آدیوا قربان گُل آدیوا قربان)
- سه شنبه
- 22
- اردیبهشت
- 1405
- ساعت
- 23:28
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه