اشعار عَبدُالله بن ِحَسن

مرتب سازی براساس
 حاج اصغر فرشچی

متن شعرترکی «احوالات جناب عَبدُالله بن ِحَسن» -(تا سسون آلدیم افغانه گلدیم ) * حاج اصغر فرشچی

543
2

متن شعرترکی «احوالات جناب عَبدُالله بن ِحَسن»  -(تا سسون آلدیم  افغانه گلدیم ) تا سسون آلدیم افغانه گلدیم
باتما قا قانه میدانه گلدیم
سنّیم آزدی اگرچه صغیرم
هّمتیمده ولی من کبیرم
.
.
دوشدی عشقون عموجان باشیما
قان قاروشدی اودور گوز یاشیما
همره اولماقه اوز قارداشیما
قاسمون تک باتام قانه گلدیم
.
سنّیم آزدی ...
.
.
خیمده هل معین صوتون آلدیم
بیر خدا بولدی نه حاله قالدیم
جاده ی عشقه یول منده سالدیم
ناصر اولماقه میدانه گلدیم
.
سنّیم آزدی اگر اصغرم من
همّتیمده عمو اکبرم من
.
.
نغمۀ عشقی سمع محبّت
آلدی فکرینده جمع محبّت
تک یانورگوردی شمع محبت
شمعه اولماقه پروانه گلدیم
.
سنّیم آزدی ...
.
.
سن عمو عاشق با وفا سن
اهل عشقه بو گون رهنما سن
گور موشم مست جام بلاسن
میل ایدوب منده مستانه گ

  • دوشنبه
  • 31
  • تیر
  • 1398
  • ساعت
  • 13:28
  • نوشته شده توسط
  • ابوالفضل عابدی پور
ادامه مطلب
معجزه ای برای رفع مشکلات حنجره
 محمدرضا محمدی (ناعم)

احوالات حضرت عبدالله بن الحسن(ع) -(عَمومی گورنده یالقوز ائلدیم اراده عمه) * محمدرضا محمدی (ناعم)

85

احوالات حضرت عبدالله بن الحسن(ع) -(عَمومی گورنده یالقوز ائلدیم اراده عمه) عَمومی گورنده یالقوز
ائلدیم اراده عمه
اوره گیم گلوبدی درده
گئدورم جهاده عمه

هله کی غبارمحنت بوریوبدی نینوانی
ائلیوب عدواحاطه بوزمین کربلانی
اوجالورگویه عطشدن بالاقیزلارون فغانی
دوزه بیلمورم جفای سپه عناده عمه

گیینوب سپاه قرآن هامی جامه ی شهادت
قاناباتدیلاربوچولده ائلیوبلراستقامت
صفین آخرینده قالدیم،منه چاتدی ایندی نوبت
بویانام گرکدی منده قانابومناده عمه

سسی گلدی تاحسینون اوره گیم سینوب داریخدی
سینمی گتوردی درده غم اَلی بوقلبی سیخدی
او شهی گوروب کمکسیز،ائویمی بوغصه ییخدی
بیلوسن که من مریدم اوگوزل مراده عمه

الیمی رهاقیل عمه یتیشوربوجان دوداقه
نیه کوفه اهلی ایلوربوقدرجفاقوناقه
نه باخوریارالی جسمه،نه باخورسوسوز دوداقه
قانادوندی غملی دللر بومحن سراده عمه

بومنای کربلاده بی بی کسب عزت ائتدیم
سیزیله بوقانلی چولده چالیشوب شراکت ائتدیم
ائلیم حسینه نصرت بی بی قصدقربت ائتدیم
بوقوشون سواره دور من،قاچارام پیاده عمه

عَمومی گوروب آدامسیز بوقوشون اهانت ایلر
بیزی دعوت ایلینلرنجه گورخیانت ایلر
منه گون کیمی عیاندی که خیامی غارت ایلر
سیزه ذرّه امنیت یوخ داخی کربلاده عمه

اوبالابیرآهومثلی،یول آلیب جهاده قاچدی
گوروب عمه سی بوحالی غم اوخینی قلبه ساچدی
بالاچاتدی عرصه گاهه عمیسین گوروب باش آچدی
دیدی دورایاقه مولا،گلرایندی داده عمه

اوزمان که شاه تشنه یارالی دوروب دایاندی
اوقدریارادگوبدی، باشیناجهان دولاندی
اوبالاباخاندا گوردی ،که اوصحنه بی اماندی
دئدی گل که رحم ائده ن یوخ،شه عدل وداده عمه

اوحسن نشانی ناگه،سروجانی باشدان آتدی
سپراولدی شاه دینه اوزمانداقانه باتدی
گوزونی یوموب حسینون سینه سینده کامه چاتدی
دئدی گل که آخدی قانیم،داخی نینواده عمه

  • دوشنبه
  • 18
  • اسفند
  • 1399
  • ساعت
  • 22:04
  • نوشته شده توسط
  • یوسف اکبری
ادامه مطلب
خرید انواع پرچم های مذهبی در جنس های مختلف
 محمدرضا محمدی (ناعم)

درد دل عبدالله بن الحسن(ع) و اذن میدان خواستن از حضرت زینب(س) -(عمه جانیم رزمگاهه پاپیاده قوی گئدیم) * محمدرضا محمدی (ناعم)

71

درد دل عبدالله بن الحسن(ع) و اذن میدان خواستن از حضرت زینب(س) -(عمه جانیم رزمگاهه پاپیاده قوی گئدیم) عمه جانیم،رزمگاهه پاپیاده قوی گئدیم
باتدی قاسم قانینه،منده جهاده قوی گئدیم

قوم کین آلمیش ارایه شاه مردان اوغلونی
نیزه،اوخ،دیلدن سالوبدی خیرنسوان اوغلونی
دردوغم یالقوزلیوب ختم رسولان اوغلونی
قانیم آخساخوشدی بوغملی مناده قوی گئدیم

شام وکوفه لشکری ظلمینده نقصان قویمادی
بغض وکینه رختینی تندن بوملت سویمادی
اولدوروب اولادزهرانی،ستمدن دویمادی
عرصه نی تنگ ایلییم قوم عناده قوی گئدیم

صبحیدن من شاهدم بوملتون ایذاسینه
دوندروبلرکربلانی ایندی قان دریاسینه
ائتمدی حرمت بوکوفه اهلی آل یاسینه
ایستورم منده چاتام بوردا مراده ،قوی گئدیم

قارداشیم قاسم که باتدی حق یولونداقانینه
یاابافاضل عمیم ائتدی وفا،پیمانینه
توش اولوب اصغربوغازی،اهل کین پیکانینه
گلدی اکبرخیمیه قانلی عباده،قوی گئدیم

شرمساراولّام آتامدان بورداقانیم آخماسا
باشیمی اکبرکیمی،دشمن جدایه تاخماسا
نیلرم زهرارضایتله یوزیمه باخماسا
قویماشرمنده اولام روزجزاده،قوی گئدیم

من یتیمم راضی اولما،باغ آمالیم سولا
نه آتام واردونه قارداشیم،وطنده زاراولا
لااقل جنتده وئرّم قاسمیله قول قولا
مجتبا جان جان دیر جنت سراده قوی گئدیم

قلب میداندا عمیم زاروپریشاندور بی بی
هم اولوب قارداشی هم اوغلی پریشادوربی لی
من عطش،سنده عطش،شاهیم ده عطشاندوربی بی
گورنه بی کس قالمیشوق کرب وبلاده قوی گئدیم

  • دوشنبه
  • 18
  • اسفند
  • 1399
  • ساعت
  • 22:06
  • نوشته شده توسط
  • یوسف اکبری
ادامه مطلب
خرید انشگتر عقیق و اصل
 سیدبشیر حسینی میانجی

روضه کوتاه عبدالله بن حسن(ع) -(بوشلا منی آلامیله قویما داشام عمه) * سیدبشیر حسینی میانجی

76

روضه کوتاه عبدالله بن حسن(ع) -(بوشلا منی آلامیله قویما داشام عمه) بوشلا منی آلامیله قویما داشام عمّه!
سعی‌ییم بودی تلّی سووشوب تئز آشام عمّه!

میدانیده یالقوزدی عمو، دورین آلوبلار
هیهات که من صبر ایلیوب تابلاشام عمّه!

آز قالدی منی ئولدوره غیرت وئر اجازه
چون هاشمی‌ام، قاسمیله قارداشام عمّه!

القانه باتوب اصغر عم اوغلومدا بو چولده
آخیرده یوزه گوزدن آخان گوزیاشام عمّه‌!

ای کاش قولوم کرب‌وبلاده قلم اولسون
آز سنّیله عباس عموما یولداشام عمّه!

ای کاش یاشیل پالتاریم اولسون قانا غلطان
انگشتر حُسن حَسنه بیر قاشام عمّه!

بیر جوت بالووا خاطر ای عمه! منی بوشلا
یوخ عیبی گر آماج اوخام یا داشام عمّه!

دوزدور کی دالی قالمیشام امّا بودی فخریم
من خیردا یتیم‌لر آراسیندا باشام عمّه!

  • شنبه
  • 21
  • فروردین
  • 1400
  • ساعت
  • 18:09
  • نوشته شده توسط
  • یوسف اکبری
ادامه مطلب
نوحه های سنتی و زنجیر زنی محرم

حضرت عبداله ابن الحسن (ع) -(گلدی عبدالله ایده جانین سنه قربان عمو) * محمد هدایتی

80

حضرت عبداله ابن الحسن (ع) -(گلدی عبدالله ایده جانین سنه قربان عمو) گلدی عبدالله ایده جانین سنه قربان عمو
یوخ هراسیم نیزه دن ، شمشیردن ، اوخدان عمو
جان یارالی جان عمو
من سنه قربان عمو

مانع اولدی قویمادی عمّه م گلم تئز خیمه دن
من ولی قاچدیم تلاشیله قوتاردیم عمّه دن
سسله دی اوغلوم گوزتله اوخ قلجدان نیزه دن
باش و جان فکرین ولی من آتمشام باشدان عمو

من یئتنده مقتله اوضاع دیگر گورموشم
قاتل بیرحم النده قانلی خنجر گورموشم
قول قاباقه ویرمیشم ایثاری بهتر گورموشم
دوشمه دیم آیری عمودان یار و یولداشدان عمو
.
.
صاق قولومدان دگدی شمشیر جفا ایتدی قلم
قول قلم اولدی کسیلدی گوزلریمده اوتدی چم
شکر لله بوئیمیش قسمت قوجاقنده ئولم
بو قدر محنت سنه گور نیلیب جان جان عمو

پهلوانلاره یارا یوخدور سوزوم چوخ چوخ دگیب
بعضینه نیزه قلج اندازه دن آرتیخ دگیب
آلنینا امّا کیمین باخ گور منیم تک اوخ دگیب
آلنمی سوکدی نجه گور ناوک پیکان عمو

آلنما پیکان دگنده گوزلریمدن چخدی اود
گیتدی قان ضعف ایلدیم رنگیم سارالدی خود به خود
ای خوشا آن را که آغوش تو را ماءمن نمود
چکدین آغوشه محبّتله منی الان عمو

تیری آلنمدان چخارتماقه نیازیم وار اله
ال کی قطع اولموشدی ، لابد اولدی مشکل مسئله
ساق اولیدی کاش عموم عبّاس سسلیدیم گله
تیری آلنمدان چخاردا ساده و آسان عمو

  • پنج شنبه
  • 6
  • خرداد
  • 1400
  • ساعت
  • 12:07
  • نوشته شده توسط
  • یوسف اکبری
ادامه مطلب
سید ناصر ولائی زنجانی

حضرت عبدالله بن الحسن(ع) -(قانه باتان جسمیوه جانیم فدا) *سید ناصر ولائی زنجانی

124

حضرت عبدالله بن الحسن(ع) -(قانه باتان جسمیوه جانیم فدا) قانه باتان جسمیوه جانیم فدا
نوگل مولا حسن مجتبی
قانه باتیپسان قرآن یولوندا
گچدین جانیندان ویردین قولوندا
عرض سلام ائیله گل حیدره
قانه باتان زادة پیغمبره
قانه باتیپسان قرآن یولوندا
گچدین جانیندان ویردین قولوندا
عبدالله ای مولا حسندن نشان
مولانی گوردون اولدورور کوفیان
تاپدین حسینی ، قانینده غلطان
سسلندین اوندا ، ای وای حسین جان
آغلار سنین حالیوه صاحب زمان
کرب وبلاده دولانار باغری قان
مهدی توکنده ، قان یاش گوزوندن
یاد ائیلر اوندا ، شیرین سوزوندن
من سنین احوالیوه چوخ آغلارام
تشنه قالان لب لره اولسون سلام
قانین آخاندا ، دشت بلایه
ناله اوجالدی ، ارض وسمایه
سسلندین اوندا عمو فریاده گل
دوشدی قولوم وای عموجان داده گل
جسمیندن آخدی قان قتلگاهه
چوخ اولدی مشکل بو غصّه شاهه
ای قاسم بن الحسنین قارداشی
ای قاریشان قانینه گوزده یاشی
ائتدین حسینه ، سن جانی قربان
چوخ دردیمیز وار ، سن ائیله درمان
دوتدی ولایی اتگیندن سنین
یاد ائیله دی قانه باتان حالتین
سن بیل حسینین غمدیده جانی
لطف ائت برات کرب وبلانی

  • پنج شنبه
  • 3
  • تیر
  • 1400
  • ساعت
  • 11:36
  • نوشته شده توسط
  • یوسف اکبری
ادامه مطلب
راهنمای علائم موجود در فهرست:
عدد کنار این علامت نشانگر تعداد کاربرانی ست که این مطلب را پسندیده و به دفترچه شعر خود افزوده اند
عدد کنار این علائم نشانگر میزان محبوبیت شعر یا سبک از نظر کاربران می باشد
اشعار ویژه در سایت برای کاربران قابل دسترس نیست و فقط از طریق خرید اپلیکیشن مورد نظر این اشعار در داخل اپلیکیشن اندرویدی قابل رویت خواهند بود
این علامت نشانگر تعداد کلیک یا بازدید این مطلب توسط کاربران در سایت یا اپلیکیشن می باشد