مقام حضرت رسول اكرم(ص)
مثلون نبير آدم وحوا گورنميوب
يوخدورتايون ثري وثريا گورنميوب
خلق عظيم صاحبي علمين مدينه سي
دنيا گوزي اوقامته همتا گورنميوب
لولاك بئير يوزينده يارانمازدي بئيرنفر
افلاك مرتبون كيمي والاگورنميوب
الاه ئوزي احددي سن احمدبوخاطره
سندن مقربين حق يكتا گورنميوب
سنلن رموزيلن دانشوب ئوزگه بئلميه
علم اهلي شرحينه هله ياراگورنميوب
مشرك لرين ده ساخلادون حتي امانتين
سن تك امين خزانه ي دنيا گورنميوب
كنعانين اهلي حسنوه حيران قالوبديلار
يوسف ده ده بوحسني زليخا گورنميوب
چوخلاررسالت حكمي آلو ب ذات پاك دن
ذيلينده مهرلن بئله امضاگورنميوب
ابلاغ ائدوب رسالتيني كل انبيا
صبت لرينده امتي الا گورنميوب
هئچ بئير پيمبراجررسالت آلانميوب
سندن سورا مودت قربي گورنميوب
قصديم دگل مقايسه ي انبيا ائدم
عقليم عقيده مه اگراماگورنميوب
يوزيئرمي دورت مينين هاموسي محترم ديلر
حشادئيم بئيري ايشين حسني گورنميوب
اسماء خمسه ده ولي بئير آيري سروار
گيزلين دي سري اول واخري گورنميوب
آل عباني سسله مينجاق جناب نوح
كشي سي امن ساحلي سكني گورنميوب
جدين خليلي چوخ متمكي يازيب ديلار
شانين ده ليك لفظ فاغني گورنميوب
موسي جهان دا گرچه خليل الله آدلانوب
معراج عرش وليله الاسري گورنميوب
بئيرگوزوئروب آچين جا سليمان تك سوار
بيت الحرام ومسجدالاصي گورنميوب
جبريل يول تاپانمادي سن گوردوقون يئره
نوح وخليل وموسي وعيسي گورنميوب
قرآن دي معجزه ن قلاجاق دور الي العبد
خلق عظيم ائشين يد بيضا گورنميوب
عيسي ئولن لره بيوروب قم دئيريل ديلر
اذن اللها جماعتي معني گورنميوب
سن قل بويورموسان كي هوالواحدالصمد
اديان ئوزون ده بئيربئله احيا گوزنميوب
كيم ده رضا گراولمياسان تاپميوب يولين
راهب ده اولسا جنتي ماوا گورنميوب
قويدون مساجدين ئوزالينله بناسيني
بواحترامي د ير وكليسا گورنميوب
باخديم يهودملتينين شرح حالينه
موسي اولاردا صبرومدارا گورنميوب
گوز گئزدرنده شعب ابي طالب اهلينه
بوش سفره گوردي منيله سلوي گورنميوب
قورتارديلارمحاصره ني چوخلي صبريلن
احاس اولاردا آيري تمناگورنميوب
عمرانه وئردي آلله اگربئيرمطهره
مريم آديندا زهره ي زهراگورنميوب
كوثروئريلميوبدي سلف انبيالره
قورتولمويان هديه واعطاگورنميوب
اهلون بلايه عهد ازل دن بلي دئيوب
هرنه بلاگلوبدور اودورلاگورنميوب
چاتمازسنون وزيريوه هارون قصاحتي
بئيزدن قاباقكيلاربئله مولي گورنميوب
ملك غدير ايمدي ده شاهددي دانميوب
اماكه بعضي لراولوب اعماگورنميوب
تكميل دين ولايت مولي الموحدين
بوآيه ني ثقيفه ده شوراگورنميوب
عشق ائمه صيدائليوب قلب شيعه ني
تاريخ شيعه لركيمي شيداگورنميوب
اوغلون حسن مثل دي جمالينده جدينه
آئينه لراوحسن ده زيبا گورنميوب
جبريل لاي لاي چاليب دورحسينوه
گهواره ده بوائستگي يحيي گورنميوب
يحيي ده باش وئريبدي حسينين ده فرقي وار
اجرعــزا بكـــاوتبــــــاكا گورنميوب
بئيرده يوخيدي زينبه تاي قهرمان باجي
جاندان گئجن كفيل صبايا گورنميوب
گون گورميوب دي زينبوين گل جماليني
اصلا اينانمارام يوزين اعداء گورنميوب
هركيم يازوبدي چادرومعجرمقاليني
شايسته ي مقام اوعليا گورنميوب
نه كوفه اهلي خطبه ي زينب مثاليني
كل جهان دااهل مصلي گورنميوب
كلثومه زينب اولدي معلم اوخاطره
تاي توشلاري اونون كيمي دانا گورنميوب
لطفين اولوبدي شامل حاليم بوشعرده
چون(اشرفي)بومتن ده انشاگورنميوب
- سه شنبه
- 30
- آذر
- 1389
- ساعت
- 7:33
- نوشته شده توسط
- اشرفی عین الدین
ارسال دیدگاه