رمضان گلدی خداونده شوکور
آی گوروندو رمضان اولدو بوگون
غصه و غم اورکه دولدو بو گون
رنگ و روخساری چؤنوب سولدو بوگون
رمضان گلدی خداونده شوکور
ایفطاری رنگین اولان‌لار یئیه‌جاق
اوخویوب اوینایاجاق هم د‌ئیه‌جاق
جا‌می آلیب الینه ،هم ایچه‌جاق
رمضان گلدی خداونده شوکور
دیزچوکوب غصه دولوب سینه‌سینه
تویوغون ال ووروری چینه‌سینه
تویوغون قیمتی دیمز نه سینه ؟
رمضان گلدی خداونده شوکور
زولبیه بامیه‌دن شیره آخیر
سوزولور نیشترینی قلبه تاخیر
بؤش الین گیزله‌دیری گؤزده باخیر
رمضان گلدی خداونده شوکور
کاریمندین کئفی‌دیر،گورنه گولور
ساییری آیلیغینی ،گؤزده دولور
سفره‌نی یاده سالیر رنگی سولور
رمضان گلدی خداونده شوکور
بیرساعات گئج گئد‌ه‌جاق تئزچیخاجاق
دویونون قیمتینه خوش باخاجاق
اییله‌ییب ،عطرینه کونولون تاخاجاق
رمضان گلدی خداونده شوکور
سبدین اینتظاریندا اوتوروب
مرجیمح ،یاغ دویونو،بیر گؤتوروب
دولته شوکرائیله‌ییب دوز اوتوروب
رمضان گلدی خداونده شوکور
شاعر:وحید شکرزاده
- دوشنبه
- 26
- تیر
- 1391
- ساعت
- 4:57
- نوشته شده توسط
- علی
ارسال دیدگاه