شور سینه زنی
زبانحال حضرت مسلم علیه السلام

حاج علی زلفی تبریزی

آگاه اولون ای سپاه ضلالت
گرچه یوخوزدی نجابت شرافت
مسلمدی آدیم سفیرم حسینه
حاشا ایدم قوم کیندن اطاعت

منصبیم هاشمی شیر گیرم
قاهرم مسلم ابن عقیلم
عشق سلطان عشقه اسیرم

خادم شاه دینم
مسلم ابن عقیلم ...




هند اوغلونا عبد زر خر اولانلار
فانی جهان زیبینه تولانانلار
عاد و ثموده جفاده مثل سیز
ای دین و دنیاسی اوتدا یانانلار

آل اطهاریله الفتیم وار
آل زهرائیله نصبتیم وار
من عقیل اوغلیام غیرتیم وار

خادم شاه دینم
مسلم ابن عقیلم ...




مکریله باغلاندی قولار بو ساعت
شاهیم حسین باشی اولسون سلامت
فاسق لیقیز ثبت اولار ما وقع ده
روبه سفت لیق اولوب سیزده عادت

جامه ننگ و عاری گیوب سوز
ذلت و کفره آری دیوب سوز
غربت ائیلده منی تک لیوب سوز

خادم شاه دینم
مسلم ابن عقیلم ...




دوندردی یوز قبلیه دیلده حسرت
ذکر ایتدی نام حسینی نهایت
اول سلام ایلوب اول شاه دینه
حاضردی ایچسون جلاب شهادت

گلمه بو شهره آقا اماندی
بو دیارین وفاسی یالاندی
گور گریبانیم اللرده قالدی

خادم شاه دینم
مسلم ابن عقیلم ...




بوردا نه بیر یار و نه همزبان وار
آل رسوله نه بیرجه امان وار
اولموش محیا هامی جور و ظلمه
اللرده داش وار حسین داش آتان وار

بی اماندی حسین اهل کوفه
گل عذارون سالالار خسوفه
لعنت اولسون بو قوم مخوفه

خادم شاه دینم
مسلم ابن عقیلم ...




قورتاردی تا این که راز و نیازین
بیر کیمسه بولموبدی سوز و گدازین
لب تشنه قول باغلی قربان کسیلدی
کسگین قلیج کسدی عطشان بوغازین

قلب عالم چکوبدی شراره
اف اولا امت نابکاره
قتلگاه اولدی دار الاماره

خادم شاه دینم
مسلم ابن عقیلم ...



#مسلمیه
#آگاه_اولون_ای_سپاه_ضلالت
#زلفی_تبریزی
#ترکی