اربعین


زلفی تبریزی

محزون و غمین گور نه گلوب افغانه باجون
دلخسته گلوب قبریوه یانا یانه باجون
پیشوازینه چخ یوخ صبری گلوب جانه باجون (۲)

گلوبدی اربعینه
بو زار و غم کشیده
دیزونده یوخدی یارا
بو قامتی خمیده

حسین حسین یارالی (۴)





بولمم سنه من هانسی غم و آلامی دیوم
گلمیش باشیما حادثه ایامی دیوم
درد و الم کوفه نی و یا شامی دیوم (۲)

سنیق کجاوه لرده
دولاندی اهل بیتون
ایشیتدی چوخ شماتت
اوتاندی اهل بیتون

حسین حسین یارالی (۴)




احوالیمه باخ خدنگ غصه قلبی دلور
اهل حرمون شیونه گلوب اشگین الور
اکبر آناسی باشینه سالوب قاره گلور (۲)

باشیم بلایه دوشدی
غم آتشینده یاندیم
شراره چکدی سینم
دیمم حسین اوساندیم

حسین حسین یارالی (۴)





ظلمیله دوشوب دروازه ساعاته یولوم
یاندی اورگیم ویرانسراده سولدی گولوم
گور جانه گلوب زینبه اوزون ایسته ئولوم (۲)

خدا بولور نه چکدیم
رقیه جان ویرنده
نه بیر معینیم اولدی
تاپولمادی کفنده

حسین حسین یارالی (۴)



#اربعین_زبدةالاشعار
#زلفی_تبریزی_زبدةالاشعار