گل یتوبدی باشه وصالیمز
ایمدی وقت هجراندی یا علی
منده احتضارون علامتی
گور نجه نمایاندی یا علی
رحلت ایلییندن بابام منیم
نه یوزوم گولوب نه خوش اولموشام
درگهیم یانوب محسنیم اُلوب
بوحیاتیدن من بوش اولموشام
بیرایله یارا وردولار منه
ایمدیه کیمی ناخوش اولموشام
بیله ظلمی حلّ ایلماق مگر
سینه ده گور آساندی یا علی
ثانی اود ویراندا بودرگهه
عرشه اوج ایدوب داد و شیونیم
باخمادی منیم حال زاریمه
ایتمدی حیا بسکه دشمنیم
توپراقا یخلماقلیقا سبب
بو اولوب قابورقام سنوب منیم
طاقتیم کسیلدی دورانمادیم
اود دوتوب قاپوم یاندی یا علی
مسجده چکنده عدو سنی
گوردون ایلدیم نقدر تلاش
کشمکش اولوندی او وقتیده
قالمادی سلامت المیده فاش
ضعف ایدوب آیلدیم دالونجا من
مسجده که گلدیم یواش یواش
باش آچوخ که گوردوم سنی ایله
قلبیم اود دوتوب یاندی یا علی
سنده منده آخرخلاص اولوب
رجعت ایلدوق گوزده اشک تر
دوشموشم ایاقدان او صدمه دن
کیم بولورکه من چکموشم نلر
غصه لر اریتدی وجودومی
قلبیمه جفالر ایدوب اثر
چوخ چتین او دردیم شفا تاپا
بی علاج و درماندی یا علی
آیریلق زمانینده گوزلرون
بیر یاغان بهار ابری تک دولوب
آغلاما وصیّت لریمه باخ
صبرایله عم اوغلی اولان اولوب
فاطمه دوزنمز بو نوعیله
گورسه گل جمالون بیله سولوب
چوخ چتیندی زهرا سنون گوره
حالتون پریشاندی یا علی
ای اولان وجودی بو عالمین
باعث قوامی شه زمن
خواهشیم بودورغسل ویراوزون
قوی قالا وجودیمده پیرهن
سرّین آشکارعرض ایدنمرم
گرچه سن بولورسن اوزون علن
چون ستملریلن بو عمرومون
گلستانی خنداندی یا علی
بو ایکی بالا نور دیدۀ
مصطفادی ای شاه اولیا
نازپروران رسولیدی
مجتبادی . مظلوم کربلا
ایمدیکه آناسیز قالور بولار
سن نوازش ایت قویما آغلیا
چون که هر ایکی نور دیدمون
مِحنتی فراواندی یا علی
سن منیم بو دلخسته گویلومون
زخمنی بو بیر لطفیله بیتور
بو محبت و رأفتون منه
سن عم اوغلی جان آخره یتور
قبریم اوسته قرآن تلاوتین
ایتماقا حسین اوغلومی گتور
سن بولورسن اوندان علاقمون
پایه سی نه میزاندی یا علی
هرزمان که قرآن اوخور بالام
روحیمه ویرور حظّ جاویدان
محترمدی چون گل دوداقلاری
چوخ اوپردی جدّی عم اوغلی جان
بس نه حاله زینب قیزیم قالار
اوندا که گوره چوب خیزران
قارداشی حسینون دوداقلاری
اوز قانیله الواندی یا علی
وارثیمدی زینب زمانه ده
هر مصیبتون مبتداسی وار
من چکن بلادن او چوخ چکر
باشینون بیوک ماجراسی وار
قارداشی حسینیله مشترک
بیرمصیبت کربلاسی وار
روزگارکج گردشه نظر
ایله گورنه دوراندی یا علی
کربلاده بیرگون اولار بو قیز
قتلگاهیده شمره یالوارار
کسمه بو حسینون سوسوز باشون
هر قدر دیَر شمرعبث سایار
قارداش اُلمه میش باجی ظلمیله
قتلگاه ایچینده یارالانار
قانه باجی قارداش باخار گورر
هر ایکیسی غلطاندی یا علی
من گلنده کربُ بلایه گل
سوگتور حسینیم ویرنده جان
منده گلّم اوندا فغانیله
الده ساچلاریم دلده الأمان
قانلی گوزلرین باغلارام اوزوم
اولماز اوندا چون اوزگه باغلیان
ایمدیدن گوزومده قضیۀ
کربلا نمایایاندی یا علی
ای ولایت اوسته شهید اولان
نور دیدۀ ختم مرسلین
جانینی ایدن دینینه سپر
یار ویاورمیرمتقین
«اکبر»آدلی بیر نوحه خوانوزام
خادمم سیزه تاپموشام یقین
خدمت ائتسه کیم آل اطهره
عزّتی فراواندی یا علی
- چهارشنبه
- 12
- دی
- 1397
- ساعت
- 19:30
- نوشته شده توسط
- ابوالفضل عابدی پور
ارسال دیدگاه