اورکدن حشره جک زهرا یانیخلی آه و وا گتمز
یادیمنان تا اولونجک بیل بوغملی ماجرا گتمز
ویریبلار قلبیمه زهرا بو شهرین اهلی چوخ یاره
چیخاجانیم بو پیکردن اورکدن اول یارا گئتمز
بوقدری ایلمه افغان منیم ای روح وریحانیم
بیلورسن که غیابینده علی هاردان هارا گتمز
دور آغلاتما منی زهرا دلیبدی سینمی غملر
منه باخسان بو یولاری علی دای جا به جا گتمز
اگر گتسن کناریمدن گیدر الدن منیم تابیم
فراقینده بو غازیمدن نه آب ونه غذا گتمز
ویریبس درس عفت سن حیالی زینبه زهرا
بو اوده اولدی جاویدان شمیم اول حیا گتمز
منیم ای خسته مهمانیم حسینی آل بیر آغوشه
اگر سن ویرمسن رخصت به سوی کربلا گتمز
هایاندا اولسا بزم غم اولار اول بزمیده حاضر
ولی بیگانه ملکینده (عبادی) شاه اولا گتمز
- شنبه
- 17
- تیر
- 1402
- ساعت
- 20:18
- نوشته شده توسط
- یوسف اکبری
- شاعر:
-
عبادی طارمی
ارسال دیدگاه