گئتدی اللریمدن غمگساریم الله
قانه دوندی قلب بیقراریم الله
ئولدی دلبریم یارب
سئندی شهپریم یارب
رحم ائله خدایا
حیدر اولدی تنها
باغبان دوشوبدی گللریندن آیری
قویدی یوز بقیعه ائللریندن آیری
عاشق عمر ائدنمز دلبریندن آیری
سوندی چلچراغ شام تاریم الله
یار مرتضی گئتدی
سینه ده یارا گئتدی
رحم ائله خدایا
حیدر اولدی تنها
دوقوز ئیل منیلن یار و همدم اولدی
یاور و انیسی غصه و غم اولدی
ساچلاری آغاردی قامتی خم اولدی
دلشکسته گئتدی خسته یاریم الله
فاطمه جوان ئولدی
قلبی اولدی قان ئولدی
رحم ائله خدایا
حیدر اولدی تنها
کشتی امیدیم مقصده چاتانماز
بو غمی باشیندان زینبیم آتانماز
صبحه جک حسینیم غصه دن یاتانماز
دوندی شام تاره روزگاریم الله
زینبیم عزا ساخلار
وای آنا دیوب آغلار
رحم ائله خدایا
حیدر اولدی تنها
یاندی باب رحمت چخدی عرشه آهی
یاره لندی سینه میخ در گواهی
غم یخاندا دیوار اولدی تکیه گاهی
راحت اولدی غمدن دلفکاریم الله
خوش گونه قالان حسرت
اولدی جنته دعوت
رحم ائله خدایا
حیدر اولدی تنها
- جمعه
- 14
- دی
- 1397
- ساعت
- 19:53
- نوشته شده توسط
- ابوالفضل عابدی پور
- شاعر:
-
ابوالفضل عباسی معروفان
ارسال دیدگاه