ای منیم جسمیمه جان عمواوغلی
دردیمه یوخدی درمان عمواوغلی
گرچه یوخ چاره درد فراقه
یاندی دل آتش اشتیاقه
وار یئری اوج ائده نُه رواقه
ناله و آه و افغان عمواوغلی
ظلمیله یاندی باب امامت
قلبیم اودلاندی اولدی قیامت
محسنیم تاپدی فیض شهادت
منده جانانه قربان عمواوغلی
اولسا جسمیمده گر مین جراحت
بیر باخشیدا ائدرسن طبابت
لطفله گل ایله سن تلاوت
باشیم اوستونده قرآن عمواوغلی
دوشدی عمروم گونی گر زواله
قامتیم دوندی غمدن هلاله
یا علی سن داریخما بوحاله
اولما غمناک و نالان عمواوغلی
سن امام هامی ماسواسن
کون و امکانه مشکل گشاسن
فاطمه دردینه آشناسن
مشکلین ایله آسان عمواوغلی
سن وصّی آتام مصطفی سن
شأنیده رتبه ده مرتضی سن
معنی سورۀ هل اَتی سن
ساقی باغ رضوان عمواوغلی
درد عشقون سنون کیمیادی
خاک پایون گؤزه توتیادی
ریزه خوارین هامی ماسوادی
اولموشام منده مهمان عمواوغلی
آغلاسا گر حسنله حسینیم
زینب و ام کلثوم دوعینیم
آسمانه چخار شور و شینیم
قویما ایتسونله افغان عمواوغلی
سیدی آبرومند و عطّار
ایسته دی «فانی دن» بیله اشعار
یازدی او نوحه سین دیده خونبار
سنده قیل لطف شایان عمواوغلی
- جمعه
- 14
- دی
- 1397
- ساعت
- 21:1
- نوشته شده توسط
- ابوالفضل عابدی پور
- شاعر:
-
عباس داداش زاده
ارسال دیدگاه