• جمعه 10 فروردین 03


عشق به حضرت زهرا(س) و خلافت حضرت علی(ع) در کوفه -(ای دل مضطر دئنن یا فاطمه)

621
-1

ای دل مضطر دئنن یا فاطمه
دیلده قیل ازبر دئنن یا فاطمه
عشقوی گوستر دئنن یا فاطمه
چئک باشا ساغر دئنن یا فاطمه
ایچ می کوثر دئنن یا فاطمه
ذکر زهرا خسته جسمه جان وئرر
بی سر و سامانلارا سامان وئرر
الده چارون اولماسا امکان وئرر
واردی دردون گر دئنن یا فاطمه
سسله هر دم زینت دمدی بو آد
نام دُخت شاه خاتمدی بو آد
مفخر اولاد آدمدی بو آد
عاصف اولسون اسم اعظمدی بو آد
مست اولوب پی در دئنن یا فاطمه
بو گوزل آد مصطفانون ذکریدی
جمله مردان ولانون ذکریدی
عرشیده اهل سمانون ذکریدی
جنگلرده مرتضانون ذکریدی
فتح ائله خیبر دئنن یا فاطمه
رمز و راز عشقه آگاه اول اخا
خانۀ عشقی عدو ایستور ییخا
تنگناده اهل ایمانی سیخا
مدّعی ایستور بو آد یاددان چیخا
عشقه اول یاور دئنن یا فاطمه
باشلارا تاج سعادتدی بو آد 
مشعل راه هدایتدی بو آد
اصل مقصود رسالتدی بو آد
رمز ابقای ولایتدی بو آد
شیعۀ حیدر دئنن یا فاطمه
عشقین آچ همّتله غیرت بابینی
شاد ائله عصر و زمان اربابینی
دشمنین سیندیر خیال و خوابینی
سس سسه وئر خوار ائدک وهّابینی
شیعه لر سسلر، دئنن یا فاطمه
خطّ حیدر شیعه نون فرهنگیدی
ذکر یازهرا گوزل آهنگیدی
حضرت مهدی بیزه سرهنگیدی
بی ولایت زندگانلیق ننگیدی
قوی باشا افسر دئنن یا فاطمه
جلوۀ حق سینه مرآتینده دی
نور ایمان عشقین آیاتینده دی
دُر صدفده دائماً باطنده دی
عشق زهرا شیعه نون ذاتینده دی
عشقیدن آچ پر دئنن یا فاطمه
دولدورار بیر گون ولایت عالمی
 ظالمی نابود ائدر مهدی دمی
فتح ائدنده هشت و چارین خاتمی
وار گورللر الده زهرا پرچمی
سسلر او سرور دئنن یا فاطمه
ای که گویی دم به دم یا فاطمه
زندگانی می کنی با فاطمه
زندگی را هست معنا فاطمه
عشق یعنی فاطمه تا فاطمه
عاشقی تو گر بگو یا فاطمه
ماه عشقی اشقیا یاندیردیلار
تار و پود شیعیه اود ویردیلار
رشتۀ صبر علی نی قیردیلار
مرتضانون هیبتین سیندیردیلار
آخسا اشک تر دئنن یا فاطمه
فاطمه ئولدی غریب اولدی علی
ابر غم تک غصّه دن دولدی علی
گون به گون گوللر کیمین سولدی علی
بیر فقط زینب بیلور نولدی علی
پیر اولوب حیدر دئنن یا فاطمه
نوحه ائتدی عرش و فرشی داغلادی
گوزیاشین سولغون جماله باغلادی
ییرمی بئش ایل سربه سر یاس ساخلادی
دیزلرین آلدی قوجاقه آغلادی
قان الر گوزلر دئنن یا فاطمه
ییرمی بئش ایل قان اوتوب اول مقتدا
عالمی دولدوردی ظلمت برملا
بیر گونی امّت دئدی یا مرتضی
ییرمی بئش ایل گئتمیشوق راه خطا
جان پیغمبر دئنن یا فاطمه
ای ایکی دنیاده شاهنشاهیمیز
نائب خاتم ولی اللهیمیز
یول تاپوبدی فطرت گمراهیمیز
دور ایاقه سن بیزیم اول شاهیمیز
باز اولوب گوزلر دئنن یا فاطمه
ائتدیلر اصرار امیر اولدی علی
قویسون اجرایه کتاب منزلی
بیرده آیین رسول مرسلی
امّته فاش ائتدی بیر سرّی ولی
 دم به دم سویلر دئنن یا فاطمه
خاطر زهرانی گوزدن سالمارام
یوخدی زهرا دهریدن کام آلمارام
کیپریگی بی یاد زهرا چالمارام
شرطی وار ملک وطنده قالمارام
جان وئروب دلبر دئنن یا فاطمه
کوفیه گلدی او شاه لافتا
عدل و دادین دولتین قیلدی به پا
کشوری ائتدی گلستان برملا
قویمادی بیچاره لر ائتسون نوا
شاد اولوب حیدر دئنن یا فاطمه
کوفه ده اولدی عدالت حکم ران
قوردی بیر دولت امیرمومنان
گورمیوب، گورمز اونون مثلین جهان
تا ظهور مهدی صاحب زمان
عدل اولا داور دئنن یا فاطمه
هر کیمه اولسیدی بیر ظلمی روا
فی الزّمان داده گلردی مرتضی
ایلیردی حقّ حق داری ادا
ظالمین سورتردی بورنون توپراقا
وار بئله رهبر؟ دئنن یا فاطمه
بیر گونی اول حاکم پاک و غیور
یول سالوب بیر کوچه دن حین عبور
قلبینه بیر ناله سالدی اوزگه شور
گوردی بیر عورت فغانیلن گلور
سویلدی خواهر دئنن یا فاطمه
گوردی مولانی دئدی ای محترم
قلبیمی قان ایلیوب اندوه و غم
نه آتام نه قارداشیم وار نه نه نم
بی کسم بو شهریده، غرق الم
اولموشام مضطر دئنن یا فاطمه
وار منیم بیر همسریم چوخ بی وفا
گوندوزی ایلر منه لیل دجا
شرمی یوخ دوشمز دیلیندن ناسزا
یوخ امانیم دادیمه سن گل آقا
ظلم و جور ایلر دئنن یا فاطمه
غصّه دن اولدی او شه خونین جگر
اول خانیمدان منزلین آلدی خبر
گلدی شاه عدل فرمان پشت در
دقّ باب ائتدی امیر دادگر
ایندی گور نیلر دئنن یا فاطمه
فتح باب ائتدی او لحظه بیر کیشی
ئوزگوزوندن ظاهریدی هر ایشی
گوردی چون شیرحقی اول ناکیشی
ایستدی بیرده ائده گردنکشی
غیضیدن تیترر دئنن یا فاطمه
درک ائدوب اول رزل طغیانین علی
دوتدی قدرتلن گریبانین علی
گوستروب نیروی سبحانین علی
آز قالوردی قبض ائده جانین علی
صف یارار صفدر دئنن یا فاطمه
سسلدی شرم ایله ای ظالم اوتان
همسروندی بو سنون ای بددهان
وئرموسن ناموسوه ائوده امان
باغرینی بو غم علی نون ائتدی قان
شرم ائله آخر دئنن یا فاطمه
دای یوخومدی دلده طاقت دوزمرم
ایلسون ظلمونده شدّت دوزمرم
گورموشم من بیر مصیبت دوزمرم
آغلیور گورسم بیر عورت دوزمرم
دل دولی اخگر دئنن یا فاطمه
بیر خانیم گورسم پریشاندی اگر
یادیمه اول غصّه لی گونلر دوشر
قوللاریم باغلیدی، قلبیم پُرشرر
ظلمیلن ناموسیمی ویردی عُمَر
اولمادی یاور دئنن یا فاطمه
اشقیا ائتمیشدی حمله خانه مه
ظلمیلن ویرموشدی اود کاشانه مه
ایلمیشدی بیر جفا جانانه مه
صدمه یئتمیشدی پر پروانه مه
آچمادی شهپر دئنن یا فاطمه
چیخدیم ائودن نالۀ دلداریدن
غم یاغور گوردوم در و دیواریدن
قان آخور گوردوم نوک مسماریدن
نیمه جان گوردوم ال اوزدوم یاریدن
ائتمدیم باور دئنن یا فاطمه
«ناعمی» یازما بولوت تک دولماقین
قلبینون بندین مصیبت یولماقین
غنچه وقتی غنچه سینون سولماقین
پشت دَرده محسنین سقط اولماقین
باشه ویر یکسر دئنن یا فاطمه


  • سه شنبه
  • 18
  • دی
  • 1397
  • ساعت
  • 20:11
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران