سوال : حضرت زهرا (س)
ای امید دل وجان عم اوغلی
قلبیمی ایتدیلرقان عم اوغلی
گَل اوخی باشیم اوستونده قرآن
قوی گله صوت قرآن عم اوغلی
جواب : حضرت علی (ع)
آغلاما سن یانایانه زهرا
گلمه بیربیله افغانه زهرا
کشتی صبریمی بحرغمده
سالماامواج طوفانه زهرا
سوال : حضرت زهرا (س)
تانفس وارهله واردی فرصت
گل ایدیم محضرونده وصیت
نصف شب کفن ودفن ایت بوزاری
گورمیوب ایتمه سینلر شمادت
جواب : حضرت علی (ع)
دست ثانیله بوچرخ دوران
ایلیوب ظلمین آفاقه اعلان
روح پاکون اولوب زارو مضطر
مرتضانی ائدیب دیده گریان
سوال : حضرت زهرا (س)
پر چالیر مرغ روحیم بدندن
بلبلون آیریلیربوچمندن
جان سنون جان حسینین عم اوغلی
قویما غمگین اولا بومحندن
جواب : حضرت علی (ع)
عشقین ای گوهرپربهاسی
گل وجودی بلاآشناسی
ساخلارام سینم اوسته حسینی
تااولاحاصل الله رضاسی
سوال : حضرت زهرا (س)
ثانی پست آچیب ال جفایه
باخمادی قدرت کبریایه
اوت وریب یاندیریب عرش وفرشی
ظلمی فاش اولدی خیرالنسایه
جواب : حضرت علی (ع)
وای اولا کینه جو روزگاره
عمریوی حسرت ایتدی بهاره
ترک ائدیرسن علینی جهاندا
اوخشویارگوندوزوم لیل تاره
تخلص
حرمتون واردی عرش خداده
ثبت اولوبدورحدیث کساده
لطف ایله آرزی سی وار «نصیری»
اوخشیوب آغلیا کربلاده
نصیری مراغه ای
- پنج شنبه
- 20
- دی
- 1397
- ساعت
- 11:29
- نوشته شده توسط
- ابوالفضل عابدی پور
ارسال دیدگاه