شکر اولا کردگار زهرایه
کردگار وقار زهرایه
آند اولا اعتبار زهرایه
خاندان و تبار زهرایه
چشم شب زنده دار زهرایه
گلسه مهدی باشین اَیَر شاهلار
دولت پایدار زهرایه
ایلده بو فاطمیه ایامی
چیخسا یادّان یخالّا اسلامی
یتورر کامه کوفه و شامی
هئچ غریبین بلالی هنگامی
بنزمز روزگار زهرایه
نسل وهابی و قوای عنود
خود فروشان پست آل سعود
اولا ان شاالله بو ایل نابود
کربلا تک پیاده نامعدود
توکولاق سر مزار زهرایه
عرشه چیخدی یمنده ظلم و ستم
اسدی کوه مناده قاره علم
چیخدی سوریه دن نه نالۀ غم
اولدی قربان مدافعین حرم
زینبه یادگار زهرایه
اولماسیدی اگر خانم زهرا
نه ولایت واریدی نه مولا
نه حسن واریدی نه صلح صفا
نه حسین واریدی نه کربُبلا
آند اولا اعتبار زهرایه
نجه زهراعمل حسابینده
مدح اولوب خلقتین کتابینده
شاه کار ائتدی انقلابینده
یازدی تحریفلر جوابینده
یوخ چیخار سیزده کار زهرایه
ثانی فکر ایلدی علی تکدی
بیعت آلماقینا قوشون چکدی
گوردی زهرا قضیه مهلکدی
دئدی خلعت بو قاره کوینکدی
گلسه کیم کارزار زهرایه
آند اولا اقتدار ذات حقه
فدکی قصریم اولسا نه طبقه
ائدرم جان حیدره صدقه
وئررم بیر ادبلی مستحقه
یازیلا افتخار زهرایه
بو یانان درگهیم مُقدَّسدی
تپراقی قانیلن مُلبَّسدی
دئمیین مرتضادی بی کسدی
منه بو یولدا محسنیم بسدی
قربان اولّوق نگار زهرایه
نائب مصطفی علیدی فقط
دینه مشکل گشا علیدی فقط
واقعی مقتدا علیدی فقط
سیز گداسیز آقا علیدی فقط
یوخ شعوریز شعار زهرایه
بیعتیز اوسته مرد اولون دایانین
گر اینانمامیسیز باخین اینانین
عاقل اولساز اشاره میله آنین
باب رحمتدی بو قاپی اوتانین
سس وئریر آه و زار زهرایه
«واصفین» شعری بحر اعجازدی
نقدر یانسا آغلاسا آزدی
یانماسیدی قاپی آچیلمازدی
قانلی مسماری یاعلی یازدی
سینۀ زخمدار زهرایه
- پنج شنبه
- 27
- دی
- 1397
- ساعت
- 12:40
- نوشته شده توسط
- ابوالفضل عابدی پور
- شاعر:
-
کربلایی احد ظهرابزاده
ارسال دیدگاه