بخش 1
فاطمه آدین یازدیم مین قصیده خلق اولدی
مشرق خیالیمده بیر سپیده خلق اولدی
فاطمه آدین یازدیم طبعیمه نفس گلدی
تیغ منطقیم تیز ؤ ابدیده خلق اولدی
مست عطر یاس اولدوم دفتریم چیچکلندی
واژه واژه مطلبلر خوشه چیده خلق اولدی
هر هجا پرستو تک بال آچوب قانادلاندی
هر غزل غزل آسا آرمیده خلق اولدی
عالم تفکرده تازه بیر افق تاپدیم
هم ئورک ایشیقلاندی هم عقیده خلق اولدی
کیمدی فاطمه تاج تابناک کرمنا
جمع آفرینشده برگزیده خلق اولدی
نه مثالی وار یرده نه شبیهی گویلرده
دست حی یکتناده بیر پدیده خلق اولدی
مرتضایه همسنگر مصطفایه پشتیبان
قامت دل آراسی چوخ رشیده خلق اولدی
خصلت و سجایاسی بی نظیر و بی همتا
قامت دل آراسی چوخ رشیده خلق اولدی
طرح ائدنده حورالر جنتین مقاماتین
بیر رواق نورانی هر شهیده خلق اولدی
هر رواقین اطرافی روشنیدی همچون ماه
نوریلن یازیلمیشدی فاطمه سلام الله
فاطمه تجلای نور ساغر هستی
فاطمه معمای سبز دفتر هستی
فاطمه گلستان لاله خیز آزادی
فاطمه سخنگوی پاک منبر هستی
فاطمه پریشان کوچه های نامردی
یار زخمی حیدر یاس پرپر هستی
فاطمه فراتردی حیطه شعوریمدن
من عدمده زندانی او کبوتر هستی
فاطمه عظیم الشان فاطمه جلیل القدر
برترین زن تاریخ رکن و لنگر هستی
فاطمه ملک بانو فاطمه محمد خو
فاطمه گل خوشبو جان و جوهر هستی
فاطمه ئوزی طوفان فاطمه سوزی قرآن
نوح کشتی ایمان روح کوثر هستی
سینه سینه گنجینه ایلدی فدا دینه
دوغدی اون بیر آئینه اولدی مادر هستی
قبله گاه عالمدی کعبه دن معظمدی
آدینه ائدر سجده چون سراسر هستی
گر دئسن بو بانونی بیر کلامیده وصف ائت
گزمه آیری القابین سویله محشر هستی
ای قلم تلاش ایله چات روند مطلوبه
حالت سکوندان چیخ ، چک بو نظمی آشوبه
جمله های بی جانه روخ وئر مسیحاتر
باشلا سومین بندب آتشین و گویاتر
فاطمه غریبستان فاطمه شکوهستان
فاطمه بلندای عرشیدن معلاتر
فاطمه حضورینده قطره دنده ناچیزم
گر چی ائتدی دریادن بو حقیری دریاتر
فاطمه جنالیندن جلوه نوش ائدن گوندن
یوخدی اوتلی سینمدن یر یوزونده سیناتر
فاطمه سلحشور سنگر دفاع از حق
مین سپاه فاخردن رزمیده تواناتر
بو حقیقتین آیا وار نه حکمتی یارب
کیم سنه یوخونلاشدی هر گون اولدی تنهاتر
فاطمه فراخوان معرفت ائدوب صادر
انتخاب اولار هر کس گلسه بی تمناتر
فاطمه عزاسینده مست اولانمسون گلمه
باده باده اوستوندن پایلانور گواراتر
نذر عشقیدور باشیم گوزلرم ادا وقتین
درگهینده قربانم هر دقیقه اضحاتر
درگهی کی عجزیله آسمان یخیلمیشدی
آسمان دئدیم اما کهکشان سیخیلمیشدی
بخش 2
فاطمه نشان وئردی عالمه ولا رمزین
ابتدای عشقینده تاپدی انتها رمزین
فاطمه مناجاتین گورمین نماز اوسته
بیلمیزیدی خندقده نص لافتی رمزین
نزد کور نامحرم گیزلدنده رخسارین
بانوان اسلامه ئورگدوب حیا رمزین
گوزیاشین توکوب ظلمه اعتراض ائدن ساعت
شیعیانه گورستدی ماتم و عزا رمزین
فاطمه قیامینده گوز یاشی سلاحیدی
نوحه خواندا رشد اولماز بیلمسه بکا رمزین
نار کینه یاندیردی تا شرفلی درگاهین
شعله شعله درک ائتدی وصلت و رجا رمزین
آغلیان اوشاقلاری آلدی بیر بیر آغوشه
ایستدی عیان ائتسون صبر و ابتلا رمزین
زینبین الین ئوپدی هم حسینینون حلقین
قانلی استانینده آچدی کربلا رمزین
ائتدی کوفه بازارین بیر اشاره ده تفسیر
یازدی نوک مسماره نیزه و جدا رمزین
سسلدی باخون الان بو بلالی یوللاره
من قدرده گورستدیم سیزلره قضا رمزین
سرنوشت فرداری انقلاب سیزلندی
خیردا قهرمانلاریم ، انتخاب سیزلندی
کیم شرف یولون گئتسه جاودان اولار بیر گون
تر جان ائدوب اهل آسمان اولار بیر گون
من قیام خورشیدین اکدیم اولین بذرین
شوره زار عاشورا گلستان اولار بیر گون
قورخمیون ستمکارین حشمت و جلالیندن
هاموسی چیخار یاددان داستان اولار بیر گون
زرق و برق و تهدی و فتنه و خیانتلر
غیرتین مصافینده ناتوان اولار بیر گون
پرده قالمیوب قالماز اشک و آه مظلومان
نهضت بنی هاشم قهرمان اولار بیر گون
قنفذ و ابوبکر و ثانی جنایتکار
شمر و نوفل و زجر و ساربان اولار بیر گون
هر دوداق کی قوزانسا نور کردگار حق اوندان
هم پیاله سنگ و خیزران اولار بیر گون
هر باشی کی اولماز خم محضر اراذلده
خولیلر تنورینده میهمان اولار بیر گون
رشته های ظلمی کی ایندیدن توخور دشمن
اهل بیت بوینوندا ریسمان اولار بیر گون
ناقه ناقه اولدوزلار خسته بی رمق قیزلار
وارد بلاگاه کربلا اولار بیر گون
داش دوتان اتکلرده کول یاغا معابردن
وحشت ایلیر انسان گورسنن مناظردن
صف چکر حیاسیزلر قوزانار هیاهولر
نیزه اوسته اصلانلار محمل اوسته آهولر
ورطه کشاکشده موج ائدنده جمعیت
جان وئرر ایاق آلتدا پرشکسته تیهولر
گورجگین اسیرانی بی نقاب و بی معجر
هی ویراللا دورت یاندان طعنه ناسزاگولر
هامی چهره لر رنگین رقت آور و ننگین
ال چالاندا عورت لر سسلنر النگولر
تازیانه آلتیندا غش ائدوب دوشر دیلدن
با حیا گلین قیزلار هم عزالی بانولر
هر مسیر یرد اولجاق کاروان غمدیده
گورسنر تراب اوسته قاره قاره گیسولر
هر قدمده بیر قاتل هر دونومده بیر ثانی
صاق صولا قاچوب قورخار ال یوزونده مه رولر
گاه سس گلر بیدن دورما عمه جان ئولدوم
انتقام آلور دشمن گل کی سیندی پهلولر
گل بو توزلی ساچلاری اللریندن آل زجرین
چوخ سورونموشمیرده زخم اولوبدی زانولر
ای «وفا» حسینیت مکتب محبتدی
تا ابد بو مکتبده جاودان دی نیکولر
مهربان اولوب سنده پوز منیت اوراقین
شعری ماندگار اولماز شاعر بد اخلاقین
- شنبه
- 29
- دی
- 1397
- ساعت
- 20:23
- نوشته شده توسط
- ابوالفضل عابدی پور
- شاعر:
-
وفا منافی اردبیلی
ارسال دیدگاه