لاله ی بی خار جنان فاطمه
سِرّ زمین گنج زمان فاطمه
قبری کیمین قدری نهان فاطمه
قامت اسلامه توان فاطمه
صاحب اوصاف جلیدور خانم
رتبه ده هم کفو علیدور خانم
فاطمه دین ملکینه پیرایه دی
جوهرجان زینب کبرایه دی
پیکر دینه آدی پیرایه دی
فاطمه سیزدین ایوی بی پایه دی
کیم دولانار نور تولائیلن
حشریده همسایه دی زهرائیلن
آند اولا خوبان بنی آدمه
مکه ده معراجه گیدن خاتمه
عرش خدادن آسیلان پرچمه
فاطمه عزت یارادوب عالمه
ذکر لب حیدر کراریدور
فوج ملک قبرینه زواریدور
فاطمه حورا باشینون تاجیدی
کشتی نوحه بوخانم ناجیدی
سیر اِلَی اللّهیده منهاجیدی
فاطمه سیز دین ایوی تاراجیدی
عاشق صادق که تاپار مکتبین
عالمه ویرمز نخ چادر شبین
فاطمه سرلوحه ی ایثاریدی
بند دل احمد مختاریدی
هرنه دیسم آزدی اوبسیاریدی
گون دیمرم مطلع الانواریدی
آدیمه یازدیرسا خدا جنتی
فاطمه سیزیوخدور اونون لذتی
طائر طبعیم گینه اعجاز ایدور
عشقیمی پیغمبره ابراز ایدور
فاطمه نون مدحینی آغاز ایدور
کیم اشیدور نه فلکه ناز ایدور
حضرت خاتم که ملک تاجیدی
فاطمه نون حشریده محتاجیدی
فاطمه نون آدینه قربان اولوم
مکتب ارشادینه قربان اولوم
درسینه استادینه قربان اولوم
باشرف اولادینه قربان اولوم
شانی ملکدن اوجادور فاطمه
اون بیر امامه آنادور فاطمه
- یکشنبه
- 26
- اردیبهشت
- 1400
- ساعت
- 22:4
- نوشته شده توسط
- یوسف اکبری
- شاعر:
-
مرتضی اسکندری
ارسال دیدگاه