زینب الور اشکین بو گئجه دامنه زهرا
دوتموش بالالار شام غریبان سنه زهرا
سنسیز بالالار اشکینی گوزدن الر الان
قالمیش بالا آهولریمیز چون ملر الان
پیکان غمین قلبیمی زهرا دلر الان
صرصر اسیلوب ایندی بیزیم گلشنه زهرا
اسپهر حیاده اولان ای جلوه لی کوکب
طاها قیزیسان ای گل جنت اوجا منصب
گل گور نئجه پوزقوندی بو کلثومیله زینب
بو غملرون عظمادی آغیردی منه زهرا
اون سگیز ایل عمر ایلدون عمرون باشا چاتمیش
زینب آنا وای سسلیری ال باشینه آتمیش
بیر یاندا حسین گوز یاشی خون دله قاتمیش
بیر یاندا حسن سسلنور ای وای ننه زهرا
حیدر ائوی سنسیز بو گئجه بی قمر اولدی
بو بار مصیبتدن علی خم کمر اولدی
گئتدی فدکین همّتیمیز بی ثمر اولدی
ائتموب سوز اثر ثانی دل آهنه زهرا
یثربده اولان وحی ائوینون شوکتی گئتدی
طاها باغینون سنله گوزل زینتی گئتدی
خیبر شکنین دای قولونون قوّی گئتدی
منزلده گل ایندی قولاق آس شیونه زهرا
ای کنز عفافین او گوزل گوهری زهرا
ای حیدرین عالمده قوی شهپری زهرا
آچ گوزلریوی ای دیلیمین ازبری زهرا
هجرون اوتی دوشموش بو گل سوسنه زهرا
مسماره هدف سینه وین الان سوزی واردی
بو دلده غمین بابیده مسمار ئوزی واردی
بو غمده اوشاقلاریمین آغلار گوزی واردی
وار حقّی اوشاقلار داخی وای سسلنه زهرا
ترک ایلدی دنیانی بو گون افسر نسوان
قالدی بالاجا دورت بالاسی زار و پریشان
تکرار ایله سنده #رضوی بو سوزی هر آن
لعن اولسون او ملکین آلان اهریمنه زهرا
- چهارشنبه
- 3
- بهمن
- 1397
- ساعت
- 12:14
- نوشته شده توسط
- ابوالفضل عابدی پور
- شاعر:
-
محمدرضا بیگلی
ارسال دیدگاه