ای خاک تیره زهرۀ زهرانی نیلدون
ای تیره دل صدف دُر رخشانی نیلدون
اؤز قبری تک زمانه ده مجهول قدر اولان
کنز حیاده لعل بدخشانی نیلدون
هاردان آلار امام زمان عطر پاکینی
اُمّ الائمّه عصمت کبرانی نیلدون
تاپشوردی اؤز عزیزه سینی مرتضا سنه
سن بس عزیزه همسر مولانی نیلدون
بزم وصال عیش علی اولدی بی فروغ
آخر او بزمه شمع فروزانی نیلدون
اوچ یرده اهل عشقه مزاری مطاف اولوب
بو اختلافه علّت و عنوانی نیلدون
تار ایلدون جهاندا علی روزگارینی
چکدون غروبه نیر تابانی نیلدون
ایتموشدی بارغصّه رسا قدّینی کمان
آخر او رشک قامت طوبانی نیلدون
ظلمت سرای خاک مگر سن بهشت سن
انسیه شکل سیرتی حورانی نیلدون
ماهیّتین دولاندی سنین اولدی نور محض
انگیزۀ تبلورغبرانی نیلدون
قهراً کسیلدی نغمۀ یاربّ یاربی
گلزار عشقه بلبل خوشخوانی نیلدون
پیغمبرین ودیعه سی گیتدی حضورینه
سن بس رهینۀ شه بطحانی نیلدون
گلدن لطیف پیکری آلدون کناریوه
خاک سیه او نوگل رعنانی نیلدون
شرم ائتمدون جمالینه قویدون جمالیوی
گوردون نشان سیلی اعدانی نیلدون
آلدون یارالی سینه نی اوز سخت سینوه
مجروح جسمی قانیله الوانی نیلدون
گوهر کیمی بو تربته اشکین توکوب علی
دُرّ سرشک سرور مردانی نیلدون
دریای صبرین آیریلیقی آلدی صبرینی
هر بیر بلا و درده شکیبانی نیلدون
گل یوزلولر سموم جفائیله سولدولار
مرضیه آدلی بیر گل زیبانی نیلدون
سولدی جمالی غنچه زمانینده زینبین
سن عندلیب گلشن رضوانی نیلدون
زهرا اوزی سنین، سنه ویردوق آپار ولی
آخر دئ قبر زهرۀ زهرانی نیلدون
#خوندل ندور جوابین اگر حشریده خانم
ایتسه سئوال دفتر و دیوانی نیلدون
- چهارشنبه
- 3
- بهمن
- 1397
- ساعت
- 12:17
- نوشته شده توسط
- ابوالفضل عابدی پور
- شاعر:
-
حاج حیدر خوندل
ارسال دیدگاه