• جمعه 10 فروردین 03

 ابوالفضل عباسی معروفان

زبانحال حضرت زهرا سلام الله علیها -(عم اوغلی گل پریشانم)

576

عم اوغلی گل پریشانم
گئدورم دیده گریانم
جان یتوبدی دوداقیمه
ئولورم مرغ بی جانم

(جان عم اوغلی جان عم اوغلی
من سنه قربان عم اوغلی ) (2 )




آچیلوب دنیا قفسی
گئدور الدن مرغ خسته
سنه واردور سوزوم اگلش
نچه لحظه باشیم اوسته
گجه غسلوم وئروب گجه
منی دفن ایله آهسته
بو نمک نشناس امتدن
سینوب قلبیم قلبی قانم

(جان عم اوغلی جان عم اوغلی
من سنه قربان عم اوغلی ) (2 )




منی بو بی حیا ملت
غم اوتوندا اوتلاندیردی
فدکی آلدی الیمدن
قلبیمه تازه داغ ووردی
جبرئیل ئوپن درگهی
شرر ظلمه یاندیردی
شعله چکن قاپیم کیمین
غصه دن سینه سوزانم

(جان عم اوغلی جان عم اوغلی
من سنه قربان عم اوغلی ) (2 )




ئوزون بو امره واقفسن
سندن آیریلماق چتیندی
بیلورم ئولمگیم منیم
سنون چتین ساعتیندی
پیک اجل هئچ دئمدی
بو ئولن تازه گلیندی
نجه گلدیم نجه گئتدیم
بو ایشه والله حیرانم

(جان عم اوغلی جان عم اوغلی
من سنه قربان عم اوغلی ) (2 )




محسنیم ظلمیلن گئتدی
غمی دیلده قالان اولدی
خوش گونه قویدولار حسرت
جوان عمروم یالان اولدی
زینبون گورمدیم طویون
آرزیلاریم تالان اولدی
حسنینیمدن چوخ علی
زینبیمدن ناگرانم

(جان عم اوغلی جان عم اوغلی
من سنه قربان عم اوغلی ) (2 )




بیلوسن من بو بش ئیلده
زینبی گوزدن آتمازدیم
بختیم ائوینده دورت بالام
یاتمیونجا من یاتمازدیم
سونمسیدی عمروم گونی
آی مثالینده باتمازدیم
گل کیمین سولدوم سارالدیم
برگ زرد گلستانم

(جان عم اوغلی جان عم اوغلی
من سنه قربان عم اوغلی ) (2 )




سنه بو دوقوز ئیلده چوخ
ویروب زحمت سالدیم غمه
غم هجرانه صبر ایله
چوخ آغلیوب چوخ غم یئمه
قبریم اوسته گل داریخسان
دردون گئدوب چاهه دیمه
منه گر مرهم اولمادی
ولی چوخ درده درمانم

(جان عم اوغلی جان عم اوغلی
من سنه قربان عم اوغلی ) (2 )

  • چهارشنبه
  • 3
  • بهمن
  • 1397
  • ساعت
  • 12:39
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید


حجم فایل 479.10 KB
تعداد بازپخش 38
تاریخ بارگذاری چهارشنبه 3 بهمن 1397 05:40
عنوان : به این سبک اجرا شود

ارسال دیدگاه



ورود با حساب گوگل

ورود کاربران