سن سیز بو ائو اولموش منه غمخانه زهرا
شمع فرا قونده منم پروانه زهرا
یاندوم فراق ناروه
ایله نظر بیماروه
مظلومه زهرا
قالدی اورکده سوزلرون گیتدون مزاره
آیریلما قون ورموش یانان قلبیمه یاره
یانام غمو ندن حشره جک نار شراره
سندن صورا کیمدور ایده بو درده چاره
ای همسر نازیم اویان
وی محرم رازیم اویان
مظلومه زهرا
گوردوم وئرنده غسلوی پهلویارالی
پهلو یارا سینه یارا بازو یارالی
یاندیم دیلیمده قالمادی نیرو یارالی
گوزیاشیم اولدی بو غمه دارو یارالی
گئتدون مزاره ناگران
اولدوم غمونده باغریقان
مظلومه زهرا
سن سیز دچارم محنت و دردو بلایه
یاری گجه قلبیم یارا گلم نوایه
افغان و آهیم اوج ایدرعرش خدایه
ایت بیر نظر بی کس علی المرتضایه
آچ گوزلرون گل بیر دیله
دوردردیمه درمان ایله
مظلومه زهرا
آچ گوزلرون دیلداره باخ غملی نگاریم
تندیس عصمت مهربانیم غمگساریم
بال و پریم همسنگریم فرزانه یاریم
گلزار عشقیم هر خزاندا نو بهاریم
ای نوگل یاسیم اویان
وی روح احساسیم اویان
مظلومه زهرا
- چهارشنبه
- 3
- بهمن
- 1397
- ساعت
- 12:43
- نوشته شده توسط
- ابوالفضل عابدی پور
- شاعر:
-
کربلایی حسن آخوندی
ارسال دیدگاه