کیمه بنزور دئدیم ای خالق یکتا زهرا
کیمه اوصافیده همتا اولور آیا زهرا
هانسی نسوانیله هم شان و برابردی خانم
رتبه ده مریم و سارا اوجادی یا ، زهرا
احترامین گتوروب احمد مختار و علی
مرتضی افضلیدی شان ده طاها زهرا
فکریمه گلدی بو اثناده حدیث لولاک
گوردوم الله بویورور خلقته مبنا زهرا
مصطفایه گوره افلاکی اگر خلق ائلدیم
باعث خلقت طاها اولوب اما زهرا
مصطفی خلق اولونانمازدی گر اولموردی علی
عامل خلقت مولائیدی حتی زهرا
کائناتین فقط اسراری بو دور خلق اولونوب
اودور علت که اولوب ام ابیها زهرا
دختر ختم نبی اون بیر امامه ننه دی
همسر شاه ولا عصمته دارا زهرا
انس و جنّ و ملک و حوری و غلمان یکسر
ذکر ائدن وقته گرک سویلیه زهرا زهرا
( زعفرا )علت خلقتدی بو مظلومه خانم
گرچه ظاهرده اولوب کشته ی اعدا زهرا
- جمعه
- 7
- آذر
- 1399
- ساعت
- 21:5
- نوشته شده توسط
- یوسف اکبری
- شاعر:
-
زعفر آزادمهر شیخ درآبادی
ارسال دیدگاه