آچ او شهلا گوزون بـاخ منـه قارداش ابوالفضل
سسله قارداش دیوم جان سنه قارداش ابوالفضل
قالدیم بو چولده- تنها برادر
اُلدون سُـؤندی- اعدا برادر
ای آتـام اوغلـی ای منشـی دربـاریم عباس
ای اوجا بوی، اوزون قول سپه سالاریم عباس
آغلاشور خیمه‌ده گـور نجـه قـزلاریم عباس
دور امان ویرمه بو دشمنه قارداش ابوالفضل
بـو رسـا قـامتی بـاوریم یوخدور یخوبلار
خطّ مردانگیدن قـوشون قارداش چخوبلار
اوستُوه ساری چـوخ نیزه و خنجر سیخوبلار
قوی چکـوم پیکرون مَأمَنه قارداش ابوالفضل
****
پیکـرونده یــارالار سنــون گلـمز شمـاره
قولسوز آتدان یـره یخـدیلار ای مـاه پـاره
جوشنونـده اولان تیرلــر گـچمش دوبـاره
گلـمشم غصّه‌دن شیونـه قـارداش ابـوالفضل
****
قــوللارون آگـهم ظلمیلـه میدانـدا دوشدی
صاق قولون سالدیلار ولوله هر یاندا دوشدی
قوللارون دوشجاقین پرچـم قرآنـدا دوشدی
بـو علم چاتمـاز اهریمنه قارداش ابوالفضل
****
ظاهـراً بیرَقـون یاتـدی باطنـده اوجالـدی
تا جهان وار آدون قـارداشیم دللـره قالـدی
آخ بلیم سندی چـارم کسلدی صبر آزالدی
وای باجیم زینبه وای منه قارداش ابوالفضل
****
کربلا زمزمه سی - عيني‌فرد زنجاني
منبع:سایت مدایح
- پنج شنبه
- 9
- شهریور
- 1391
- ساعت
- 13:27
- نوشته شده توسط
- جواد
ارسال دیدگاه