بئله فكر ايتميسوز نظميده كچديم ادبي
يازارام دفتريمه شير خداي ثاني
كيم فراموش ائده جك افسر والا گهري
حاش لله كه قلم يازميا اُول سّقاني
ايله قلبيمده ارادت وار او فرزا نه فره
آديني دوتسا ديليم قلبون اولار طوفاني
آدي عّباسيدي سردار وعلمدارحسين
دامن فيضيني دوت دردوه آل درماني
منبع جود و سخا بحر كرم كان وفا
صا حب مشك و لوا باب الحوائج شاني
اوچ گئجه گچمیشیدی دورده یوخونلاشمیشدی
چون سحراولدي گلوب عالمه غيرت كاني
عالم ايچره آچيلوب غنچه گلزار علي
نوبهار اولدي عيان يتدي خزان پاياني
ايله نوراني ائدوب بيت عليني بوبالا
باخدوقيجا ئوزونه بهت آپارور انساني
واركماني قاشي شهلا گوزي صورت چوقمر
كيم باخورگل ئوزونه حمد ايليورسبحاني
گلدي عبا سه طرف عشقيله زهرامارالي
گوردي بيرايش اوزمان مجلس اولوب عرفاني
عا شقانه باخوب عباسينه شاه شهدا
قلبيده نقش ايليوبدور او ملك سيماني
آلوب آغوشه گوزل قارداشيني ميرهدا
جان كيمين سينيه باسدی اوگوزل جاناني
دئدي واردورنه غمي سنكيمي قارداشي اولان
قارداش عشقيله اولوب قلبي اودم نوراني
آچدي شهلا گوزون عبّاس باخوب قارداشينا
گوزباخوبدورگوزه حيرتده قويوب دنياني
عاشقا نه باخوب عبّاس حسينون گوزينه
آلدي جان نقدينه دلبند دل طا هاني
ديلي اولسيدي دئیردي ندي قربان جا نيم
سنه مين دفعه بوجا ني ائدرم قرباني
قويدي عبا سيني گهواريه مير دو سرا
ترپدور هي بشيگين ديلدن اوخور لالاني
سويليوريات گوزليم تكيه گهيم بال وپريم
خواب راحتلن اخا طي ايله بو دوراني
- پنج شنبه
- 20
- آذر
- 1399
- ساعت
- 0:18
- نوشته شده توسط
- یوسف اکبری
- شاعر:
-
کربلایی حسن آخوندی
ارسال دیدگاه