آچ گوزون دور یاتما زهرا
منی گوزدن آتما زهرا
خون قلب مرتضانی
گوزیاشینا قاتما زهرا
جانم زهرا جانان زهرا
گوزلره من قربان زهرا
صرصرظلمه توش اولدون
گل باغیم نه تیز سولدون
جان شیرینوندن کیچدون
حامی ولایت اولدون
جانم زهرا ...
پرده لیوبدی قان گوزون
زینبون ئولدرورئوزون
تاب ایلمز قلب علی
ائشیده نیسگیللی سوزون
جانم زهرا ...
حسن آغلار حسین آغلار
زینب باشه قرا باغلار
آنا وای سسی کلثومین
گوزلیم قلبیمی داغلار
جانم زهرا ...
آخان اولدوز تک سن آخدون
قلبیمی یاندیروب یاخدون
آیریلیق اوخون زهرا جان
حیدرین قلبینه تاخدون
جانم زهرا ...
فلک سنی مندن آلدی
شراره قلبیمه سالدی
ترک خانمان ایله دون
بالالارون ملر قالدی
جانم زهرا ...
چرخ جفا غمدن دویماز
خوش اولا گوگلومی قویماز
گلین گیدن گونده زینب
باشه بیللم حنا قویماز
جانم زهرا ...
محنتون جانه آلمیشام
باشه غم شالی سالمیشام
دیله دوت عم اوغلون دیندیر
سنسیزآواره قالمیشام
جانم زهرا ...
قلبیمه غم سایه سالیب
صبر وتوان مندن آلیب
هایاندا آشیان ایتدون
لانه ده یرون بوش قالیب
جانم زهرا ...
- یکشنبه
- 7
- بهمن
- 1397
- ساعت
- 11:8
- نوشته شده توسط
- ابوالفضل عابدی پور
- شاعر:
-
کربلایی فخرالدین اسکندری
ارسال دیدگاه