دور ابوالفضل سنه قربان منی دیندیر یارالی
ای قیزیل قانینه غلطان منی دیندیر یارالی
گوزون آچ یاتما اویان- ای منی آواره قویان
منی آغلاتما اویان – یارالی یارالی یارالی
****
کوفیـان یکسـره یـاور لریمی ئولدوردی
عونيمی، فضلیمی هم جعفریمی ئولدوردی
جدیمه اوخشار اولان اکبریمی ئولدوردی
کمکیم یوخ منیم الان منـی دیندیر یارالی
گوزون آچ یاتما اویان ...
****
ای منیم موجیلی طوفانـدا یــارالی نوحیم
ایشدنده آدیـوی حَـظّ آپــاراردی روحیم
نجـه بـو حالـه دوزوم شیـر نـر مجروحیم
قالموشام صحنه‌ده حیران منی دیندیریارالی
گوزون آچ یاتما اویان ...
****
ای علمـدار، علـم عشق یاتوبـدور قارداش
زینبون گوزیاشین القانـه قاتوبـدور قارداش
سو خیالین صود امر باشدان آتوبدور قارداش
ایچه جـک اصغریم القان منی دیندیر یارالی
گوزون آچ یاتما اویان ...
****
او زمان که گـوزی اهل حرمین مندیدی
سوزی واضح دیوم عباس گـوزوم سندیـدی
سنـه قارداشون حسین یعنی پناهندیدی
اشکیم اولموش یوزه افشان منی دیندیریارالی
گوزون آچ یاتما اویان ...
****
اکبریم ئولـدی دیدیـم وار هلـه زیبا قاسم
قاسمیم ئولدی دیدیـم واردی هلـه عباسم
سَسیمه سَس ویر ابوالفضل بو دمِ حساسیم
گلوری ال چالور عدوان منی دیندیر یارالی
گوزون آچ یاتما اویان ...
****
کربلا زمزمه سی - ناعمي
منبع:سایت مدایح
- پنج شنبه
- 9
- شهریور
- 1391
- ساعت
- 13:50
- نوشته شده توسط
- جواد
ارسال دیدگاه